21153

ཐ་སྙད་ཀྱི་མཚམས་ (1)

Part of speech	མིང་ཚིག
Definition	མདོ། དབུ་མ། གསུང་རབ་ཀྱི་བརྗོད་བྱ་བདེན་པ་གཉིས་སུ་ཕྱེ་བའི་ཀུན་རྫོབ་ཀྱི་བདེན་པ་ནི་འཇིག་རྟེན་ཀུན་རྫོབ་ཀྱི་བདེན་པ་ཡིན་གྱི་ཀུན་རྫོབ་བདེན་པ་ཙམ་ནི་མ་ཡིན་ཏེ། ལོག་པའི་ཀུན་རྫོབ་ནི་ཐ་སྙད་བདེན་པ་ཐབས་སུ་གྱུར་པ་དང་། ཞེས་པའི་ཐབས་སུ་མི་རུང་བས་གསུང་རབ་ཀྱི་བརྗོད་བྱ་མ་ཡིན་པའི་ཕྱིར། དེས་ན་འཇིག་རྟེན་ཀུན་རྫོབ་ཀྱི་བདེན་པ་དང། དོན་དམ་བདེན་པ་རྟོགས་པའི་དངོས་བརྟེན་དུ་གྱུར་པའི་ཐ་སྙད་ཀྱི་བདེན་པ་གཉིས་དོན་གཅིག་ཏེ། ས་བོན་ལས་མྱུ་གུ་སྐྱེ་ཞེས་པ་ལྟ་བུ་འཇིག་རྟེན་ལྷན་སྐྱེས་ཀྱི་བློ་ངོར་སྣང་ཞིང་སྣང་བ་ལྟར་ཐ་སྙད་བྱེད་པས་འཇིག་རྟེན་ཀུན་རྫོབ་ཀྱི་བདེན་པའང་ཡིན་ལ། སྐྱེ་ཚུལ་ཉིད་ལ་མཐའ་བཞིར་དཔྱད་པའི་ཚེ་སྐྱེ་བ་ཉིད་ཀྱང་མི་རྙེད་པས་དོན་དམ་རྟོགས་པའི་དངོས་བརྟེན་དུ་གྱུར་པའི་ཐ་སྙད་བདེན་པའང་ཡིན་པའི་ཕྱིར་རོ། །སློབ་དཔོན་ཟླ་བས་སྤྱིར་ཀུན་རྫོབ་བདེན་པ་ལ་ཡང་ལོག་གཉིས་སུ་ཕྱེ་ཡང། འཇིག་རྟེན་ཀུན་རྫོབ་བདེན་པ་ནི་ཡང་དག་ཀུན་རྫོབ་ཉིད་ཡིན་པ་དེ་དང་། འཇིག་རྟེན་མཐུན་འཇུག་དང་། དོན་དམ་རྟོགས་པའི་དངོས་བརྟེན་དུ་གྱུར་པའི་ཐ་སྙད་བདེན་པ་གསུམ་ཀ་དོན་གཅིག་ལ་འདུས་པ་ནི། ས་བོན་ལས་མྱུ་གུ་སྐྱེ་བ་ལྟ་བུ་ཡིན་ལ་འཇིག་རྟེན་མཐུན་འཇུག་ཡིན་ན་གཞན་གཉིས་པོ་ཡིན་པས་ནི་མ་ཁྱབ་སྟེ། དངོས་པོ་རང་བཞིན་གྱིས་ཡོད་པར་གསུངས་པའི་སྐབས་དེ་འཇིག་རྟེན་མཐུན་འཇུག་ལ་དགོངས་པར་གསུངས་པའི་ཕྱིར་རོ། །ཞེས་ཀུན་མཁྱེན་གོ་རམས་པའི་དབུ་མའི་སྤྱི་དོན་ལས་གསུངས་སོ། །
Domain	ཆོས་ལུགས།

{{#arraymap:ཐ་སྙད་ཀྱི་མཚམས་

|; |@@@ | | }}