21384

ཐན་པ་ཆེན་པོའི་རྒྱུ་རྐྱེན་ལྔ་ (1)

Part of speech	མིང་ཚིག
Definition	འདུལ་བ་རྣམ་པར་འབྱེད་པ་ལས་བྱུང་བ་སྟེ། དང་པོ། འདི་ལྟར་སྤྲིན་ཡང་ཡོད་གློག་ཀྱང་འབྱུང༌། སྤྲིན་ལས་འབྲུག་ཀྱང་གྲག ཕྱོགས་བཞི་ནས་རླུང་བསིལ་བ་དག་ཀྱང་ལྡང༌། ལྟས་མཁན་དག་ཀྱང་ལྷས་ཆར་འབེབས་པར་འགྱུར་རོ་ཞེས་སྟོན་མོད་ཀྱི། འོན་ཀྱང་ས་གཞི་ཆེན་པོ་འདི་ལས་མེའི་ཁམས་མངོན་པར་འཕགས་ནས། དེས་ཆར་པ་དེ་བར་མ་དོ་ཁོ་ནར་སྐམ་པར་བྱེད་དེ། འདི་ནི་ལྟས་མཁན་དག་གིས་ལྷས་ཆར་འབེབས་པར་འགྱུར་རོ་ཞེས་སྟོན་ཀྱང་མི་རྟོག་པ་ཐན་པ་ཆེན་པོའི་རྒྱུ་དང་པོ་དང་རྐྱེན་དང་པོ་ཡིན་ནོ། ། གཉིས་པ། གཞན་ཡང་སྤྲིན་ཡང་ཡོད། གློག་ཀྱང་འབྱུང༌། སྤྲིན་ལས་འབྲུག་ཀྱང་གྲག ཕྱོགས་བཞི་ནས་རླུང་བསིལ་བ་དག་ཀྱང་ལྡང༌། ལྟས་མཁན་དག་ཀྱང་ལྷས་ཆར་འབེབས་པར་འགྱུར་རོ་ཞེས་སྟོན་མོད་ཀྱི། འོན་ཀྱང་ནམ་མཁའ་ལ་མི་མཉམ་པའི་རླུང་དག་ལྡང་ཞིང་དེས་ཆར་པ་དེ་ཌ་ན་ད་ཀའི་དགོན་པ་དག་དང༌། ཀ་ལིང་ཀའི་དགོན་པ་དག་དང༌། མ་ཏང་ཀའི་དགོན་པ་དག་ཏུ་འབེབས་པར་བྱེད་དེ། འདི་ནི་ལྟས་མཁན་དག་གིས་ལྷས་ཆར་འབེབས་པར་འགྱུར་རོ་ཞེས་སྟོན་ཀྱང༌། མི་རྟོག་པ་ཐན་པ་ཆེན་པོའི་རྒྱུ་གཉིས་པ་དང་རྐྱེན་གཉིས་པ་ཡིན་ནོ། ། གསུམ་པ། གཞན་ཡང་སྤྲིན་ཡང་ཡོད་གློག་ཀྱང་འབྱུང༌། སྤྲིན་ལས་འབྲུག་ཀྱང་གྲག ཕྱོགས་བཞི་ནས་རླུང་བསིལ་བ་དག་ཀྱང་ལྡང༌། ལྟས་མཁན་དག་ཀྱང་ལྷས་ཆར་འབེབས་པར་འགྱུར་རོ་ཞེས་སྟོན་མོད་ཀྱི། འོན་ཀྱང་ལྷའི་བུ་ཆར་གྱི་ཤུགས་ཅན་དག་རབ་ཏུ་མྱོས་པར་གནས་པ་དང༌། བག་མེད་པར་གནས་ཤིང༌། དེ་དག་རབ་ཏུ་མྱོས་པར་གནས་པ་དང༌། བག་མེད་པར་གནས་པས་ལྷས་དུས་དང་དུས་སུ་ཆུའི་རྒྱུན་ལེགས་པར་འབེབས་སུ་མི་སྟེར་ཏེ། འདི་ནི་ལྟས་མཁན་དག་གིས་ལྷས་ཆར་འབེབས་པར་འགྱུར་རོ་ཞེས་སྟོན་ཀྱང་མི་རྟོག་པ་ཐན་པ་ཆེན་པོའི་རྒྱུ་གསུམ་པ་དང༌། རྐྱེན་གསུམ་པ་ཡིན་ནོ། ། བཞི་བ། གཞན་ཡང་སྤྲིན་ཡང་ཡོད་གློག་ཀྱང་འབྱུང༌། སྤྲིན་ལས་འབྲུག་ཀྱང་གྲག ཕྱོགས་བཞི་ནས་རླུང་བསིལ་བ་དག་ཀྱང་ལྡང༌། ལྟས་མཁན་དག་ཀྱང་ལྷས་ཆར་འབེབས་པར་འགྱུར་རོ་ཞེས་སྟོན་མོད་ཀྱི། འོན་ཀྱང་མི་རྣམས་ཆོས་མ་ཡིན་པའི་འདོད་ཆགས་ཀྱིས་ཆགས་པ་དང༌། འདོད་པ་དཀའ་བས་ཟིལ་གྱིས་ནོན་པ་དང༌། ཆོས་ལོག་པས་དཀྲིས་པར་གྱུར་ན། ཆོས་མ་ཡིན་པའི་འདོད་ཆགས་ཀྱིས་ཆགས་པ་དང༌། འདོད་པ་དཀའ་བས་ཟིལ་གྱིས་ནོན་པ་དང༌། ཆོས་ལོག་པས་དཀྲིས་པ་དེ་དག་ལ་ལྷས་དུས་དང་དུས་སུ་ཆུའི་རྒྱུན་ལེགས་པར་འབབ་ཏུ་མི་སྟེར་ཏེ། འདི་ནི་ལྟས་མཁན་དག་གིས་ལྷས་ཆར་འབེབས་པར་འགྱུར་རོ་ཞེས་སྟོན་ཀྱང་མི་རྟོག་པ་ཐན་པ་ཆེན་པོའི་རྒྱུ་བཞི་པ་དང༌། རྐྱེན་བཞི་པ་ཡིན་ནོ། ། ལྔ་བ། གཞན་ཡང་སྤྲིན་ཡང་ཡོད་གློག་ཀྱང་འབྱུང༌། སྤྲིན་ལས་འབྲུག་ཀྱང་གྲག ཕྱོགས་བཞི་ནས་རླུང་བསིལ་བ་དག་ཀྱང་ལྡང༌། ལྟས་མཁན་དག་ཀྱང་ལྷས་ཆར་འབེབས་པར་འགྱུར་རོ་ཞེས་སྟོན་མོད་ཀྱི། འོན་ཀྱང་ལྷ་མ་ཡིན་གྱི་དབང་པོ་སྒྲ་གཅན་རྒྱ་མཚོ་ཆེན་པོ་ནས་མངོན་པར་འཕགས་ནས། དེས་ཆར་པ་དེ་ལག་པ་གཉིས་ཀྱིས་བཟེད་ཅིང་རྒྱ་མཚོ་ཆེན་པོར་ལྡུགས་པར་བྱེད་དེ། འདི་ནི་ལྟས་མཁན་དག་གིས་ལྷས་ཆར་འབེབས་པར་འགྱུར་རོ་ཞེས་སྟོན་ཀྱང་མི་རྟོག་པ་ཐན་པ་ཆེན་པོའི་རྒྱུ་ལྔ་པ་དང༌། རྐྱེན་ལྔ་པ་ཡིན་ནོ། །
Domain	ཆོས་ལུགས།

{{#arraymap:ཐན་པ་ཆེན་པོའི་རྒྱུ་རྐྱེན་ལྔ་

|; |@@@ | | }}