22615
< Dictionaries | Monlam Grand
Jump to navigation
Jump to search
| Part of speech | མིང་ཚིག |
|---|---|
| Definition | སྡོམ་གསུམ། བྱང་ཆུབ་སེམས་དཔའ་ཉིད་ལ་ཡང་། །སོ་སོ་ཐར་པ་འབོགས་པ་ཡི། །ཆོ་ག་འགའ་ཞིག་ཡོད་མོད་ཀྱི། །དེ་ཡི་ཆོ་ག་ཕལ་ཆེར་ནུབ། །གསོ་སྦྱོང་རང་གིས་བླངས་པ་སོགས། །ཆོ་གའི་ལག་ལེན་འགའ་ཞིག་ཡོད། །རྒྱལ་སྲས་བྱམས་པ་འཇམ་དབྱངས་སོགས། །བདག་ཉིད་ཆེན་པོ་འགའ་ཞིག་གིས། །མཁན་པོ་མཛད་ནས་འགྲོ་མང་ལ། །བསྙེན་པར་རྫོགས་པར་མཛད་དོ་ཞེས། །ཚིག་འབྲུ་ཙམ་ཞིག་གསུངས་མོད་ཀྱི། །འོན་ཀྱང་དེ་ཡི་ཆོ་ག་ནི། །མདོ་ལས་གསུངས་པ་ངས་མ་མཐོང་། །འདི་འདྲ་སྔོན་གྱི་ཆོ་ག་སྟེ། །འཕགས་པ་རྣམས་ཀྱི་སྤྱོད་ཡུལ་ཡིན། །སོ་སོའི་སྐྱེ་བོས་བྱར་མི་རུང་། །དེས་ན་ད་ལྟའི་ཆོ་ག་ནི། །བསམ་པ་སེམས་བསྐྱེད་ཀྱིས་ཟིན་པའི། །ཆོ་ག་ཉན་ཐོས་ལུགས་བཞིན་གྱིས། །སོ་སོ་ཐར་པ་རིགས་བརྒྱད་པོ། །བྱང་སེམས་སོ་སོ་ཐར་པར་འགྱུར། །ཞེས་ས་པཎ་གྱི་སྡོམ་གསུམ་རབ་དབྱེ་ལས་སོ། ། ཉན་ཐོས་ཀྱི་ལུགས་ལ་མ་བལྟོས་པར། བྱང་ཆུབ་སེམས་དཔའ་ཉིད་ལ་ཡང། སོ་སོར་ཐར་པ་འབོག་པའི་ཆོ་ག་ཐུན་མོང་མ་ཡིན་པ་འགའ་ཞིག་ཡོད་དེ། ཆོ་འཕྲུལ་བསྟན་པའི་མདོ་ལས། གསོ་སྦྱོང་ཡན་ལག་བརྒྱད་ཇི་སྲིད་འཚོའི་བར་དུ་བླང་བར་གསུངས་པ་དང། གཏན་ལ་དབབ་པའི་བསྡུ་བ་ལས། དགེ་སློང་མའི་སྡོམ་པ་མ་གཏོགས་པའི་སོ་ཐར་གཞན་རྟེན་གྱི་དྲུང་དུ་རང་ཉིད་ཀྱིས་ལེན་པར་གསུངས་པ་དང། འཕགས་པ་དོན་ཡོད་ཞགས་པའི་རྟོགས་པ་ལས། གསོ་སྦྱོང་གི་སྡོམ་པ་རྟེན་གྱི་དྲུང་དུ་རང་ཉིད་ཀྱིས་ལེན་པར་གསུངས་པ་ལ་སོགས་པ་རྣམས་སོ། །དེ་ལྟར་བཤད་མོད་ཀྱི། དེ་དག་གི་ཆོ་ག་ཕལ་ཆེར་ནི་དེང་སང་ནུབ་ལ། མ་ནུབ་པ་གང་ཞེ་ན། དོན་ཞགས་རྟོགས་པ་ནས་གསུངས་པ་ལྟར་གསོ་སྦྱོང་གི་སྡོམ་པ་རང་གིས་བླང་པ་དང། སྤྱོད་འཇུག་ནས་གསུངས་པ་ལྟར་སྐྱབས་འགྲོའི་སྡོམ་པ་བྱང་ཆུབ་སྙིང་པོའི་བར་དུ་ལེན་པ་ལྟ་བུ་ཐེག་ཆེན་གྱི་ཐུན་མོང་མ་ཡིན་པའི་སོ་ཐར་གྱི་ཆོ་གའི་ལག་ལེན་འགའ་ཞིག་དེང་སང་ཡང་མ་ནུབ་པར་ཡོད་དོ། །གཞན་ཡང་མིང་གསལ་ལ་ཆོ་ག་མི་གསལ་བ་ནི། མདོ་སྡེ་དཀོན་མཆོག་བརྩེགས་པའི་ཁྱིམ་པ་དྲག་ཤུལ་ཅན་གྱིས་ཞུས་པར། རྒྱལ་སྲས་བྱམས་པས་མཁན་པོ་མཛད་ནས་ཁྱིམ་བདག་དགུ་སྟོང་དང། རྒྱལ་སྲས་འཇམ་དབྱངས་ཀྱིས་མཁན་པོ་མཛད་ནས་ཁྱིམ་བདག་བདུན་སྟོང་རབ་ཏུ་བྱུང་ཞིང་བསྙེན་པར་རྫོགས་པར་མཛད་དོ། །ཞེས་པའི་ཚིག་འབྲུ་ཙམ་ཞིག་གསུངས་མོད་ཀྱི། དེང་སང་གི་སོ་སོ་སྐྱེ་བོས་བྱར་མི་རུང་སྟེ། མཁན་པོ་བྱམས་པ་ལ་སོགས་པ་དབུ་སྐྲ་རིང་ཞིང་རྒྱན་དང་བཅས་པ་རྣམས་ཀྱིས་བསྒྲུབ་བྱ་ཁྱིམ་པའི་ཆ་ལུགས་ཅན་བསྙེན་པར་རྫོགས་ཚུལ་འདི་འདྲ་བ་ནི་སྔོན་གྱི་ཆོ་ག་འཕགས་པ་རྣམས་ཀྱི་སྤྱོད་ཡུལ་ཁོ་ན་ཡིན་པས་སོ། །ཞེས་པཎ་ཆེན་ངག་ཆོས་ཀྱི་སྡོམ་གསུམ་རྣམ་བཤད་ཟླ་འོད་ནོར་བུ་ལས། |
| Domain | ཆོས་ལུགས། |