24225

དགའ་ལྡན་ཕོ་བྲང་ (1)

Part of speech

མིང་ཚིག

Definition

རྒྱལ་མཆོག་ལྔ་པ་ཆེན་པོས་གསར་དུ་བཙུགས་ཞིང་། དེ་ནས་བཟུང་རྒྱལ་མཆོག་སྐུ་ཕྲེང་ན་རིམ་གྱིས་སྐྱོང་བའི་བོད་ཀྱི་སྲིད་གཞུང་གི་མིང་སྟེ། དེ་ཡང་སྣེའུ་གདོང་དཔོན་རིགས་རྣམས་འབྲས་སྤུངས་སུ་ཡོང་སྐབས་ཀྱི་གནས་ཁང་རྡོ་ཁང་སྔོན་མོ་དང་འབྲས་སྤུངས་དཔོན་ཁང་ཡང་ཟེར། དེ་ཕག་གྲུ་སྡེ་སྲིད་ཁྲི་རབས་བཅུ་གཅིག་པ་དབང་བཀྲ་ཤིས་གྲགས་པ་རྒྱལ་མཚན་གྱིས་སྲིད་དབང་བཟུང་རྗེས། ཏཱ་ལའི་བླ་མ་སྐུ་ཕྲེང་གཉིས་པ་དགེ་འདུན་རྒྱ་མཚོས་འབྲས་སྤུངས་མཁན་པོ་གནང་སྐབས་རབ་བྱུང་དགུ་པའི་ས་སྟག་ཕྱི་ལོ་ ༡༥༡༨ ལོར་བཞུགས་གནས་སུ་ཕུལ་ཞིང༌། མིང་དགའ་ལྡན་ཕོ་བྲང་ཞེས་འདོགས་པར་མཛད། ཏཱ་ལའི་བླ་མ་སྐུ་ཕྲེང་གསུམ་པ་བསོད་ནམས་རྒྱ་མཚོ་སོག་ཡུལ་དུ་ཕེབས་ཤུལ་ཕྱག་མཛོད་སྐུ་མདུན་རིན་པོ་ཆེ་ཆོས་བཟང་འཕྲིན་ལས་ཀྱིས་འགན་བླངས་ཤིང༌། སྐྱིད་ཤོད་སྡེ་པ་བཀྲ་ཤིས་རབ་བརྟན་གྱིས་འཆར་འགོད་ཐོག་འུལ་མི་རྡོ་ཤིང་བཅས་ཀྱི་ཞལ་འདེབས་ཕུལ་ཏེ་ཕོ་བྲང་འདི་རྒྱ་བསྐྱེད་གསར་བཞེངས་བྱས་པ་ནས་ཏཱ་ལའི་བླ་མ་སྐུ་ཕྲེང་རིམ་པའི་བཞུགས་གནས་གཙོ་ཆེ་བའི་གྲས་སུ་གྱུར། དེ་ནས་རབ་བྱུང་བཅུ་གཅིག་པའི་ཆུ་རྟ་ལོ་སྟེ་ཕྱི་ལོ་ ༡༦༤༢ ལོར་༸རྒྱལ་དབང་སྐུ་ཕྲེང་ལྔ་པས་བཙུགས་པའི་བོད་ཀྱི་གཞུང་གསར་པའི་མིང་ལ་དགའ་ལྡན་ཕོ་བྲང་ཞེས་འདོགས་པ་གནང་བའི་རྒྱུ་མཚན་དེ་ལྟར་ཡིན།

{{#arraymap:དགའ་ལྡན་ཕོ་བྲང་

|; |@@@ | | }}