25504

དངོས་གཞི་ཐོད་རྒལ་འབྲིང་པོ་ (1)

Part of speech	མིང་ཚིག
Definition	མཚན་ཉིད་ནི། དངོས་གཞི་ཐོད་རྒལ་ཆུང་ངུ་སྔོན་དུ་བཏང་ནས་ཆེན་པོའི་ཆེད་དུ་འགོག་པ་སྤེལ་བའི་རིགས་སུ་གནས་པའི་སྙོམས་འཇུག་གོ ། གནས་ཀྱི་གྲངས་ངེས་ནི། རྒྱས་འབྲིང་ལྟར་ན་སྙོམས་འཇུག་བརྒྱད་ལ་འགོག་པ་བརྒྱད་སྤེལ་བས་བཅུ་དྲུག་ཡིན་ལ། ཁྲི་བརྒྱད་སྟོང་པ་ལྟར་ན་ནུད་ཆུང་དང་བཅུ་བདུན་ནོ། ། དགོས་པ་ནི། རིགས་གསུམ་ཡོད་པའི་བར་པ་ལ་དབང་ཐོབ་པའི་ཆེད་ཡིན་ནོ། །ནུད་ཆུང་གི་དོན་བཤད་པ་ནི། ཐོད་རྒལ་ལ་ལེགས་པར་བྱང་བའི་གང་ཟག་དང་། བྱང་སེམས་དབང་རྣོན་གཉིས་ལ་ནུད་ཆུང་མི་དགོས་པའི་དབང་དུ་བྱས་ནས་རྒྱས་འབྲིང་ལས་དེ་མ་བཤད་ལ། ཐོད་རྒལ་ལ་མ་བྱང་བའི་གང་ཟག་དང་། བྱང་སེམས་དབང་རྟུལ་གཉིས་ཀྱི་དབང་དུ་བྱས་ནས་ཁྲི་བརྒྱད་སྟོང་པ་ནས་ནུད་ཆུང་བྱེད་པར་བཤད་དེ། གང་ཟག་དེ་གཉིས་སྙོམས་འཇུག་དགུ་ལ་ལུགས་མཐུན་དུ་སྙོམས་པར་ཞུགས་པའི་མཇུག་ཐོག་དེ་མ་ཐག་ཏུ་སྲིད་རྩེ་ལ་ནུད་ཆུང་མ་བྱས་པར་ཆོས་གཞན་སྤེལ་ནས་ལུགས་བཟློག་ཏུ་སྙོམས་པར་འཇུག་མི་ནུས་པའི་ཕྱིར། སྦྱོར་བ་སེང་གེ་རྣམ་བསྒྱིངས་ལ་ནི་མི་མཚུངས་ཏེ། དེར་ལུགས་མི་མཐུན་དུ་སྙོམས་པར་འཇུག་པ་ཡོད་ཀྱང་ཆོས་གཞན་སྤེལ་བ་མེད་པའི་ཕྱིར། འོ་ན་གང་ཟག་དེ་གཉིས་མར་འོང་གི་འགོག་པའི་མཇུག་ཐོག་དེ་མ་ཐག་ཏུ་འདོད་སེམས་མངོན་དུ་བྱེད་མི་ནུས་པར་ཐལ། གང་ཟག་དེ་གཉིས་སྲིད་རྩེ་ལ་ནུད་ཆུང་མ་བྱས་པར་ཆོས་གཞན་སྤེལ་ནས་ལུགས་མི་མཐུན་དུ་སྙོམས་པར་འཇུག་མི་ནུས་པའི་ཕྱིར་ཞེ་ན་སྐྱོན་མེད་དེ། འདོད་སེམས་མངོན་དུ་བྱེད་པའི་ཆེད་དུ་སྲིད་རྩེ་ལ་ནུད་ཆུང་བྱེད་པར་ཁས་མ་བླངས་ཤིང་། ཆོས་གཞན་སྤེལ་བ་དང་ལུགས་མི་མཐུན་དུ་སྙོམས་པར་འཇུག་པ་གཉིས་ཀའི་ཆེད་དུ་སྲིད་རྩེ་ལ་ནུད་ཆུང་བྱེད་པར་ཁས་བླངས་ཀྱང་སྐབས་དེར་ནི་ནུད་ཆུང་སྔོན་དུ་སོང་བའི་ཕྱིར་རོ། །ཞེས་ཀུན་མཁྱེན་གོ་རམས་པའི་སྙོམས་འཇུག་རབ་གསལ་ལས་སོ། །
Domain	ཆོས་ལུགས།

{{#arraymap:དངོས་གཞི་ཐོད་རྒལ་འབྲིང་པོ་

|; |@@@ | | }}