25624

དངོས་པོའི་གཞན་སེལ་ (1)

Part of speech	མིང་ཚིག
Definition	དངོས་པོའི་གཞན་སེལ་གྱི་མཚན་ཉིད་ནི། རྟོག་ངོར་དོན་བྱེད་མི་ནུས་པར་རྣམ་པར་བཅད་ནས་དངོས་པོར་སྣང་བའི་སྒྲོ་བཏགས། དབྱེ་བ་ལ། མངོན་གྱུར་ལ་ངེས་པའི་གཞན་སེལ་དང་། ལྐོག་གྱུར་ལ་ངེས་པའི་གཞན་སེལ་གཉིས་སོ། །ཞེས་ཀུན་མཁྱེན་གོ་རམས་པའི་རིགས་གཏེར་གསལ་བྱེད་ལས་སོ། ། དངོས་པོའི་གཞན་སེལ་གྱི་མཚན་ཉིད་ནི། རང་གི་ཡུལ་ཅན་གྱི་སྒྲ་དང་རྟོག་པས་དོན་བྱེད་མི་ནུས་པར་རྣམ་པར་བསལ་བ་ལས་ཕྱེ་བའི་བློ་ཆོས་གང་ཞིག རང་ལ་དངོས་པོར་ཞེན་ནས་ཞུགས་པས་འཇུག་ཡུལ་རང་མཚན་ཐོབ་ནུས་པའོ། །དབྱེ་བ་ནི། དངོས་པོ་ཇི་སྙེད་ཡོད་པའི་གྲངས་དང་མཉམ་པར་འགྱུར་ཏེ། གཅིག་ལ་དཔེར་མཚོན་ན། རང་གི་ཡུལ་ཅན་གྱི་སྒྲ་དང་རྟོག་པས་བུམ་མིན་རྣམ་པར་བསལ་ཙམ་ལས་ཕྱེ་བའི་བློ་ཆོས་གང་ཞིག རང་ལ་བུམ་པ་རང་མཚན་དུ་ཞེན་ནས་ཞུགས་པས། བུམ་པ་རང་མཚན་ཐོབ་ནུས་པ་དེ་སེལ་ངོའི་བུམ་པའི་མཚན་ཉིད། ཅེས་སམ། གཞན་སེལ་དུ་གྱུར་པའི་བུམ་པའི་མཚན་ཉིད་ཅེས་སོགས་དངོས་པོ་ཇི་སྙེད་པའི་གྲངས་དང་མཉམ་པར་སྦྱོར་བར་བྱའོ། །རིགས་ཀྱི་སྒོ་ནས་དབྱེ་ན། མཚན་ཉིད་པ་སྒྲ་རྟོག་དོན་མཐུན་གྱི་གཞན་སེལ་དང་། རྗེས་སུ་མཐུན་པ་དོན་མི་མཐུན་གྱི་གཞན་སེལ་ལོ། །དང་པོའི་མཚན་ཉིད་ནི། ཡོད་པ་གཞན་སེལ་གང་ཞིག སྒྲ་རྟོག་དོན་མཐུན་གྱི་འཇུག་ཚུལ་ལས་ཕྱེ་བའི་བློ་ཆོས། དབྱེ་ན་རང་མཚན་སྣང་བ་མངོན་གྱུར་ལ་ངེས་པའི་གཞན་སེལ་དང་། མི་སྣང་བ་ལྐོག་གྱུར་ལ་ངེས་པའི་དེའོ། །དང་པོའི་མཚན་ཉིད། དོན་རང་མཚན་འཛིན་པའི་མངོན་སུམ་གྱིས་དྲངས་པའི་ངེས་ཤེས་དོན་མཐུན་གྱི་འཇུག་ཡུལ་ལས་ཕྱེ་བའི་བློ་ཆོས་སོ། །གཉིས་པའི་མཚན་ཉིད་ནི། རྗེས་སུ་དཔག་པའི་ཚད་མའམ། དེས་དྲངས་པའི་ངེས་ཤེས་དོན་མཐུན་གྱི་འཇུག་ཚུལ་ལས་ཕྱེ་བའི་བློ་ཆོས་སོ། །གཉིས་པ་སྒྲ་རྟོག་དོན་མི་མཐུན་གྱིས་བཞག་པའི་ཡོད་པ་གཞན་སེལ་གྱི་མཚན་ཉིད་ནི། རང་གི་ཡུལ་ཅན་གྱི་རྟོག་པས་དོན་བྱེད་མི་ནུས་པ་རྣམ་པར་བཅད་པའི་བློ་ཆོས་གང་ཞིག འཇུག་ཡུལ་རང་མཚན་དང་མ་འབྲེལ་བའོ། །དབྱེ་ན། ལོག་ཤེས་ཀྱིས་བཞག་པའི་གཞན་སེལ་དང་། ཐེ་ཚོམ་དོན་མི་འགྱུར་གྱིས་བཞག་པའི་གཞན་སེལ་ལོ། །དེ་གཉིས་ཀྱི་མཚན་གཞི་ནི། ནམ་མཁའ་དང་དངོས་པོའི་ཚོགས་དོན་གྱི་གཞན་སེལ་དང་། མོ་གཤམ་གྱི་བུ་དང་དངོས་པོའི་ཚོགས་དོན་གྱི་གཞན་སེལ་ལྟ་བུའོ། །ཞེས་པཎ་ཆེན་ཤཱཀ་མཆོག་གི་རྟོག་གེའི་འཁྲུལ་འཇོམས་ལས་སོ། །
Domain	ཚད་མ།

{{#arraymap:དངོས་པོའི་གཞན་སེལ་

|; |@@@ | | }}