From Rangjung Yeshe Wiki - Dharma Dictionary
< Dictionaries | Monlam Grand(diff) ← Older revision | Latest revision (diff) | Newer revision → (diff)
Jump to navigation
Jump to search
དཔའ་བོ་ (1)
| Part of speech
|
མིང་ཚིག
|
| Definition
|
བློ་ཁོག་ཡོད་མཁན་ནམ། སྙིང་སྟོབས་ཅན་གྱི་དོན་ཏེ།
|
| Keyword
|
True
|
| Example
|
མི་དཔའ་བོ་ཡིན་མིན་གནད་འགག་ལ་ཐུག་དུས་ཧ་གོ་ཐུབ། བུ་དཔའ་བོ་ཞེས་པ་ལྟ་བུ།
|
| Synonyms
|
དཔའ་བོ། རྟུལ་ཕོད། སྙིང་སྟོབས་ཅན། འཇིགས་མེད།
|
| Antonyms
|
སྡར་མ།
|
དཔའ་བོ་ (2)
| Part of speech
|
མིང་ཚིག
|
| Definition
|
དཔའ་སྙིང་ཆེ་བའི་སྐྱེས་པ།
|
| Antonyms
|
དཔའ་མོ།
|
དཔའ་བོ་ (3)
| Part of speech
|
མིང་ཚིག
|
| Definition
|
འཕགས་ཡུལ་གྱི་ཆེན་པོ་བཞིའི་ཡ་གྱལ་སློབ་དཔོན་དཔའ་བོ་སྟེ། རྒྱ་གར་ནུབ་ཕྱོགས་སུ་ཡབ་བྲམ་ཟེ་ཆེའི་རིག་བྱེད་ཡན་ལག་བརྒྱད་ལ་བྱང་ཆུབ་པ་སྨན་པ་ཆེན་པོ་སེང་གེ་གསང་བ་དང་། ཡུམ་རིན་ཆེན་དངོས་གྲུབ་གཉིས་ཀྱི་སྲས་སུ་སྐུ་འཁྲུངས། དགུང་ལོ་ཆུང་ངུའི་དུས་ནས་བྲམ་ཟེའི་ཆོས་རིག་བྱེད་བཞི་དང་། རིག་བྱེད་ཀྱི་ཡན་ལག་བཞི། ཉེ་བའི་ཡན་ལག་བཞི། ལས་དྲུག་སོགས་ལ་མཁས་པར་སྦྱངས། ཁྱད་པར་དུ་ཡབ་ལས་གསོ་བ་རིག་པ་བསླབས་པས་ཚེགས་མེད་དུ་མཁྱེན། ཕྱི་པའི་བསྟན་པ་ལ་ཞུགས། གསུང་སྙན་པས་རྟ་དབྱངས་སུ་གྲགས། མུ་སྟེགས་རྟག་པ་སྨྲ་བའི་ལུགས་ལ་མཁས་པར་གྱུར་ནས་ནུབ་ཕྱོགས་ཀྱི་ནང་པའི་པཎྜི་ཏ་རྣམས་དང་བརྩད་པས་རྟ་དབྱངས་རྒྱལ་ཏེ་ནང་པའི་བསྟན་པ་བསྣུབས་ནས་ཕྱི་པའི་ལུགས་སུ་བསྒྱུར་ཞིང་ལྷོ་ཕྱོགས་སུ་རྩོད་པར་ཕེབས་པ་ལས། སློབ་དཔོན་ཀླུ་གྲུབ་ཀྱི་སློབ་མ་འཕགས་པ་ལྷ། རྟ་དབྱངས་དང་ཕྱི་ནང་གི་གྲུབ་མཐའ་རྩོད་པར་ཕེབས་ནས་རྟ་དབྱངས་ཚར་བཅད་དེ་ནང་པའི་རིང་ལུགས་སུ་བསྒྱུར། ཕྱིས་སུ་དཔལ་མགོན་ཀླུ་སྒྲུབ་ཡབ་སྲས་ཀྱི་སློབ་མ་མཛད། ཕྱི་ནང་གཉིས་ཀྱི་གྲུབ་མཐའ་དང་སྙན་ངག་སོགས་རིག་བྱེད་ལ་ཤིན་ཏུ་མཁས་པར་གྱུར། མཚན་དཀོན་ཅོག་འབངས་ཞེས་གྲགས། སྔར་སངས་རྒྱས་ཀྱི་བསྟན་པ་ལ་གནོད་པའི་ལས་བྱས་པ་རྣམས་བཤགས་པའི་ཆེད་དུ་སྟོན་པའི་སྐྱེས་རབས་ལ་བསྟོད་པ་བརྒྱ་རྩ་བརྒྱད་ཀྱིས་མཚོན་པའི་བསྟན་བཅོས་སྤྱི་དང་། ཁྱད་པར་དུ་གསོ་བ་རིག་པའི་གཞུང་ཡན་ལག་བརྒྱད་པ་ཆེན་པོ། ཡན་ལག་བརྒྱད་པ་ལ་འཇུག་པ། ཡན་ལག་བརྒྱད་པའི་སྙིང་པོ་བསྡུས་པ། དེའི་རང་འགྲེལ་སོགས་རིག་པའི་གནས་ལྔའི་གཞུང་མང་དུ་མཛད་པར་གྲགས་སོ། །
|
དཔའ་བོ་ (4)
| Part of speech
|
མིང་ཚིག
|
| Definition
|
ནུས་པ་ལ་བལྟོས་ནས་བཏགས་པའི་བོང་ང་ནག་པོའི་མིང་གི་རྣམ་གྲངས་ཤིག་སྟེ། སྨན་གྱི་བྱིངས་ལས། གག་ལྷོག་གཟེར་སོགས་གཉན་ནད་རྣམས། ཐོག་མེད་འཇོམས་པར་ནུས་པའི་ཕྱིར། དེའི་ཕྱིར་བོང་ང་ནག་པོ་ལ། དཔའ་བོ་ཞེས་སུ་བཤད་པ་ཡིན། ཞེས་དང། སྡེ་དགེ་དྲུང་འཚོ་བ་གུ་རུ་འཕེལ་གྱིས་མཛད་པའི་སྨན་གྱི་བརྡ་བསྡུས་དང་གབ་མིང་འགའ་ཞིག་བཀྲོལ་བ་བློ་གསལ་མགྲིན་རྒྱན་པའི་རྒྱན་ལས། དཔའ་བོ་ནི་བོང་ང་ནག་པོའི་མིང་སྟེ། དེ་ལ་ཅིའི་ཕྱིར་དཔའ་བོ་ཞེ་ན། གག་ལྷོག་སོགས་གནན་ནད་རིགས་ཐམས་ཅད་ཀྱི་གཉེན་པོ་བླ་ན་མེད་པའི་ཕྱིར་དཔེ་བོང་ང་དཔའ་བོའི་གཟུགས་སུ་བཀོད་པའོ། །ཞེས་གསུངས་པ་ལྟར་རོ། །
|
| Domain
|
གསོ་རིག
|