26898

དཔྱད་གསུམ་དག་པ་ (1)

Part of speech	མིང་ཚིག
Definition	མཐོང་བ་མངོན་གྱུར་བསྟན་པ་ལ། མངོན་གསུམ་ཚད་མས་གནོད་པ་མེད་པ། ཅུང་ཟད་ལྐོག་གྱུར་སྟོན་པ་ལ། དངོས་སྟོབས་རྗེས་དཔག་གིས་གནོད་པ་མེད་པ། ཤིན་ཏུ་ལྐོག་གྱུར་སྟོན་པ་ལ། ཁས་བླངས་སྔ་ཕྱི་འགལ་བ་དང་རང་ཚིག་དངོས་ཤུགས་འགལ་བ་མེད་པར་མཐོང་བས་ཡིད་ཆེས་རྗེས་དཔག་གི་གནོད་པ་འབབ་མི་ནུས་པ་གསུམ་གྱིས་དག་པ་ལ་ཟེར། པཎ་ཆེན་བསོད་ནམས་གྲགས་པའི་རྣམ་འགྲེལ་དགོངས་པ་རབ་གསལ་ལས། རང་ལུགས་ནི། རང་གི་ཞེན་དོན་ལ་མངོན་གསུམ། དངོས་སྟོབས་རྗེས་དཔག། ཡིད་ཆེས་རྗེས་དཔག་ཁས་བླངས་སྔ་ཕྱི་འགལ་བ་རང་ཚིག་དངོས་ཤུགས་འགལ་བ་སོགས་ཀྱིས་གནོད་པ་མེད་པའི་སངས་རྒྱས་པའི་ལུང་། དཔྱད་གསུམ་དག་པའི་ལུང་གི་དོན་ལྡོག་ཡིན་ནོ། །གང་དཔྱད་གསུམ་དག་པའི་ལུང་ཡིན་ན། རང་གི་བསྟན་བྱའི་དོན་ལ་མི་སླུ་བས་ཁྱབ།
Example	བདེན་བཞི་སྟོན་པའི་སངས་རྒྱས་ཀྱི་གསུང་བཞིན། ཚུལ་ཁྲིམས་བསྲུང་བས་ལྷར་སྐྱེ་བར་སྟོན་པའི་སངས་རྒྱས་ཀྱི་གསུང་བཞིན།
Domain	ཚད་མ།