27393

དབང་སྡུད་འདུལ་བའི་ཕྱག་རྒྱ་ (1)

Part of speech	མིང་ཚིག
Definition	སྔགས། ཡེ་གཤེན་རྒྱུད། བོན། ཅིར་ཡང་སྤྲུལ་པའི་སྐུའི་ཕྱག་རྒྱ་ཉེར་ལྔའི་ནང་ཚན་གྲངས་གནས་བཅུ་དགུ་པ་དེ་ཡིན་ལ། དེ་ཡང་གཞན་སྣང་དུ་ཤར་བའི་སྤྲུལ་སྐུའི་འགྲོ་འདུལ་ཕྲིན་ལས་ཀྱི་ལྡོག་ཆ་ལས་ཕྱེ་བ་སྟེ། གསང་བ་འདུས་པའི་དོན་གྱི་རྒྱུད་ལས། སྣང་སྲིད་སྐུ་རུ་དབང་འདུས་ཤིང་། ལོག་པའི་སྣང་བ་ཐུགས་རྗེས་བཟློག དབང་སྡུད་འདུལ་བའི་ཕྱག་རྒྱ་ཡིན། ཞེས་པས། དེའི་ཚིག་དོན་ནི། སྤྲུལ་པའི་སྐུ་དེར་ལས་བཞི་ལྷུན་གྱིས་གྲུབ་པས་སྣང་སྲིད་སྣོད་བཅུད་ཐམས་ཅད་སྐུ་ལ་དབང་དུ་འདུས་ཤིང་། གདུལ་བྱ་ལ་ལོག་པའི་སྣང་བ་རྣམས་ཀྱང་ཐུགས་རྗེའི་ཐབས་ཀྱིས་ཟློག་པར་མཛད་ནས། དེ་དག་དབང་དུ་སྡུད་ཅིང་འདུལ་བར་མཛད་པའི་དོན་ནོ། །
Domain	ཆོས་ལུགས།