27611

དབུ་སེམས་ཐུན་མོང་གི་བསླབ་བྱ་ (1)

Part of speech	མིང་ཚིག
Definition	སྡོམ་གསུམ། ཚེ་འདིར་མི་ཉམས་པའི་རྒྱུ་བྱང་ཆུབ་ཀྱི་སེམས་བླངས་པའི་ཕན་ཡོན་དྲན་པ། ཉམས་པའི་ཉེས་དམིགས་དྲན་པ། ཐམས་ཅད་དུ་རྙེད་དཀའ་བ་དྲན་པ་སྟེ། ཉེ་བར་སྦྱོར་བའི་དྲན་པ་གསུམ་ལ་བསླབ་པར་བྱ། ཚེ་ཕྱི་མར་མི་ཉམས་པའི་རྒྱུ་སྡིག་པ་བཤགས་པ་ལ་སོགས་པ་ཡན་ལག་བདུན་པ་དུས་གསུམ་དུ་བྱ། ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་གསོལ་བ་གདབ། བདུད་ཀྱི་ལས་ཐམས་ཅད་ཤེས་པར་བྱས་ལ་འབད་པས་སྤངས་ཏེ་ཕྱིན་ཅི་མ་ལོག་པའི་ཐབས་གསུམ་ལ་བསླབ་པར་བྱའོ། །གཞན་ཡང་སྲོག་གི་ཕྱིར་ཡང་བརྫུན་མི་སྨྲ་བ། གདུལ་བྱ་རྣམས་ཐེག་པ་ཆེན་པོ་ཉིད་ལ་སྦྱར་བ། བྱང་ཆུབ་སེམས་དཔའ་ལ་སྟོན་པའི་འདུ་ཤེས་བསྐྱེད་པ། སེམས་ཅན་ཐམས་ཅད་ལྷག་པའི་བསམ་པ་ཉིད་སྤྱོད་པ་ཞེས་བྱ་བ་དཀར་པོའི་ཆོས་བཞི་ལ་བསླབ། ཐམས་ཅད་དུ་མི་ཉམས་པའི་རྒྱུ། བྱང་ཆུབ་ཀྱི་སེམས་ལ་ལུས་ལོངས་སྤྱོད་དགེ་བ་གཞན་ཐམས་ཅད་པས་གཅེས་པར་གཟུང་བ། སེམས་ཅན་ཐམས་ཅད་ལ་གཉེན་ཉེ་བ་དང་བཤེས་ཡིད་དུ་འོང་བ་བས་གཅེས་པར་གཟུང་བ། དམ་པའི་ཆོས་ལ་སྨན་ནམ་ནོར་ཆེན་པོ་བས་གཅེས་པར་གཟུང་བ། དགེ་བའི་བཤེས་གཉེན་ལ་སྨན་པའམ་དམིགས་བུའི་འདུ་ཤེས་བསྒོམ་པ། སངས་རྒྱས་ལ་བཀྲེས་པ་ཟས་སམ་སྐོམ་པ་ཆུ་འདོད་པ་བས་ཆེེས་འདོད་པ་རྒྱུན་དུ་བསྒོམས་ཏེ་བླ་ན་མེད་པའི་འདུན་པ་ལྔ་ལ་བསླབ་པར་བྱའོ། །གཞན་ཡང་ཚུལ་ཁྲིམས་གསུམ་ལ་བསླབ་སྟེ། སྡོམ་པའི་ཚུལ་ཁྲིམས། དགེ་བ་ཆོས་སྡུད་ཀྱི་ཚུལ་ཁྲིམས། སེམས་ཅན་དོན་བྱེད་ཀྱི་ཚུལ་ཁྲིམས་གསུམ་ལས། དང་པོ་རང་བཞིན་གྱིས་ཁ་ན་མ་ཐོ་བ་གང་སྤྱད་པ་ཉིད་ན་སྡིག་པར་འགྱུར་བ་དང་བཅས་པའི་ཁ་ན་མ་ཐོ་བ་བཅས་པ་དེ་ལ་ལྟུང་བར་འགྱུར་བ་གཉིས་སྤང་བ་ལ་བསླབ། གཉིས་པ་དགེ་བའི་ཆོས་སྡུད་ལ་ཕ་རོལ་ཏུ་ཕྱིན་པ་དྲུག་གི་ཐབས་ལ་མཁས་པ་དང། རྒྱལ་བའི་སྲས་ཀྱིས་མི་སློབ་པའི། །དངོས་དེ་གང་ཡང་ཡོད་མ་ཡིན། །ཞེས་པས་འཇིག་རྟེན་དང་འཇིག་རྟེན་ལས་འདས་པའི་བསྟན་བཅོས་ཐམས་ཅད་ལ་འདྲིས་པར་བྱའོ། །གསུམ་པ་སེམས་ཅན་དོན་བྱེད་ལ་སྒོ་གསུམ་གྱི་སྤྱོད་པ་སེམས་ཅན་ལ་ཇི་ལྟར་ཕན་པ་ལ་བསླབ་པར་བྱའོ། །གཞན་དད་པ་དང། འདུན་པ་དང། མོས་པའི་སྤྱོད་པ་ལ་བསླབ་པ་སྟེ། ལྟ་བ་དང། འགྲོ་བ་དང། སྨྲ་བ་དང། ཉལ་བ་དང། ཟ་བ་ལ་སོགས་པ་ཐམས་ཅད་མཛེས་ཤིང་གཞན་དད་པ་དང་ཕན་པ་ལ་བསླབ་པར་བྱའོ། །ཞེས་ས་པཎ་གྱི་སེམས་བསྐྱེད་ཆེན་མོའི་ཆོ་ག་ལས་སོ། །
Domain	ཆོས་ལུགས།