27913

དབྱར་ཁང་ཡལ་བར་འདོར་བའི་ལྟུང་བྱེད་ (1)

Part of speech	མིང་ཚིག
Definition	གླེང་གཞི་ནི་སྦོམ་དགའ་མོས་དབྱར་ཁང་སྒོ་བཅད་ནས་ལྡེ་མིག་ཁྱེར་ཏེ་ལྗོངས་རྒྱུ་ཞིང་སོང་བ་ལས། དབྱར་ཁང་དེར་མེ་ཤོར་ཏེ་དགེ་སློང་མ་རྣམས་ཀྱིས་མེ་བསད་པར་འདོད་པ་ན་སྒོ་དབྱེར་ལྡེ་མིག་མ་རྙེད་ནས། དབྱར་ཁང་མེས་འཚིག་པར་གྱུར་པ་ལས་སོ། །དགག་བྱ་ནི་དབྱར་ཁང་ཆུད་ཟོས་པས་ལོངས་སྤྱོད་ལ་གནོད་པའོ། །དགེ་སློང་མ་དབྱར་ཁང་ནས་གཞན་དུ་འགྲོ་བ་ན་ཐ་ན་ཁྱིམ་པ་ཡན་ཆད་ལ་དབྱར་ཁང་གི་ལྡེ་མིག་ལ་སོགས་པ་མ་གཏད་མ་བཅོལ་བར་འགྲོ་བ་ལ་ལྟུང་བྱེད་དུ་འགྱུར་རོ། །དགེ་འདུན་གྱི་ཡང་རུང་། གང་ཟག་གི་ཡང་རུང་སྟེ། གཞན་ལ་གཏད་པར་བྱའོ་ཞེས་ཊཱི་ཀ་ལས་སོ། །ཞེས་ཀུན་མཁྱེན་མཚོ་སྣ་བའི་མདོ་རྩའི་རྣམ་བཤད་ཉི་མའི་འོད་ཟེར་ལས་སོ། ། དགེ་སློང་མ་རྣམས་ཀྱིས་ཁྱིམ་ཁྲུ་བཞི་པ་ལ་སོགས་པ་དབྱར་གནས་པའི་ཁང་པ་གཞན་ལ་མ་བཅོལ་བར་ཡུལ་གཞན་དུ་འགྲོ་བ་ནི། དབྱར་ཁང་ཡལ་བར་འདོར་བའི་ལྟུང་བྱེད་དོ། །ཞེས་པཎ་ཆེན་ངག་ཆོས་ཀྱི་འདུལ་བའི་སྤྱི་དོན་ཐུབ་བསྟན་ཉིན་བྱེད་ལས་སོ། །
Domain	ཆོས་ལུགས།