27989

དབྱར་རལ་བ་སྤང་བ་ (1)

Part of speech	མིང་ཚིག
Definition	མདོ། འདུལ་བ། དབྱར་བྱིན་གྱིས་མ་བརླབས་པར་མཚམས་ཀྱི་ཕྱི་རོལ་ཏུ་སྐྱ་རེངས་འཆར་བར་དུ་བསྡད་པ་ན་དབྱར་རལ་བ་ཡིན་ལ་དེ་ལྟ་བུའི་རིགས་སྤང་བ་ལ་ཟེར། དེ་ཡང་པཎ་ཆེན་གྱི་འདུལ་བ་ལུང་རིགས་ཉི་མ་ལས། དབྱར་རལ་སྤང་ཚུལ་ཡོད་དེ། མདོར། བྱིན་གྱིས་མ་བརླབས་པར་མཚམས་ཀྱི་ཕྱི་རོལ་ཏུ་སྐྱ་རེངས་འཆར་བར་མི་བྱའོ་ཞེས་གསུངས་པ་ཉིད་ཀྱིས་དབྱར་བྱིན་གྱིས་བརླབས་པའི་སྒོ་ནས་རལ་བ་སྤང་བ་ཡིན་པའི་ཕྱིར། མཚམས་ཀྱི་ཕྱི་རོལ་ཏུ་འགྲོ་བའི་བྱ་བ་དེ་ཡང་ཆོས་དང་ལྡན་པ་གཅིག་དགོས་ལ། ཡུན་ཇི་ཙམ་དུ་བྱིན་གྱིས་བརླབས་པ་ནི། མདོར། འདི་ལ་མཐར་ཐུག་པའི་མཐའ་ནི་ཞག་བདུན་ཉིད་དོ། །གནང་བ་མ་ཐོབ་པའི་མཐའ་དེ་ཡིན་ནོ། །གཞན་གྱི་ནི་ཞག་བཞི་བཅུའོ་ཞེས་གསུངས་པས་བསྟན་ཏེ། གནང་བ་མ་ཐོབ་ན་ཞག་བདུན། ཐོབ་ན་ཞག་བཞི་བཅུར་བྱིན་གྱིས་བརླབས་རུང་བར་བསྟན་པའི་ཕྱིར། ཆོས་ལྡན་གྱི་དོན་དུ་མཚམས་ཀྱི་ཕྱི་རོལ་ཏུ་ཕྱིན་པའི་ཉི་མ་དེ་ཉིད་ལ་མཚམས་ནང་དུ་འོངས་ཀྱང་བྱིན་གྱིས་བརླབས་དགོས་པར་བཤད་དོ། །ཞེས་གསུངས།
Domain	ཆོས་ལུགས།