28222

དམ་པ་རྣམ་པ་བཅུ་གཉིས་ (1)

Part of speech	མིང་ཚིག
Definition	དབུས་མཐའ་རྣམ་འབྱེད་ཀྱི་འགྲེལ་པ་ལས་བྱུང་བ་སྟེ། ༡ རྒྱ་ཆེ་བ་དམ་པ་ནི། འཇིག་རྟེན་གྱི་ཕུན་སུམ་ཚོགས་པ་ཐམས་ཅད་མི་འདོད་པ་དང་མཆོག་ཏུ་རིག་པར་བྱའོ། །༢ ཡུན་རིང་པ་དམ་པ་ནི། བསྐལ་པ་གྲངས་མེད་པ་གསུམ་དུ་ཡོངས་སུ་བསྒོམས་པའི་ཕྱིར་རོ། ། ༣ ཆེད་དུ་བྱ་བ་དམ་པ་ནི། སེམས་ཅན་ཐམས་ཅད་ཀྱི་དོན་བྱ་བའི་ཆེད་ཀྱི་ཕྱིར་རོ། །༤ ཟད་མི་ཤེས་པ་དམ་པ་ནི། བྱང་ཆུབ་ཆེན་པོར་ཡོངས་སུ་བསྔོས་པས་གཏན་དུ་ཡོངས་སུ་གཏུགས་པར་མི་འགྱུར་བའི་ཕྱིར་རོ། ། ༥ རྒྱུན་མི་འཆད་པའི་དམ་པ་ནི། བདག་གཞན་མཉམ་པ་ཉིད་དུ་མོས་པའི་ཕྱིར་ཏེ། སེམས་ཅན་ཐམས་ཅད་ལ་སྦྱིན་པ་ལ་སོགས་པས་ཕ་རོལ་ཏུ་ཕྱིན་པ་རྣམས་ཡོངས་སུ་རྫོགས་པར་བྱེད་པའི་ཕྱིར་རོ། །༦ ཚེགས་མེད་པ་དམ་པ་ནི། གཞན་གྱི་སྦྱིན་པ་ལ་སོགས་པ་ལ་རྗེས་སུ་ཡི་རང་བ་ཙམ་གྱིས་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་པའི་ཕྱིར་རོ། ། ༧ དབང་འབྱོར་པ་དམ་པ་ནི། ནམ་མཁའ་མཛོད་ཀྱི་ཏིང་ངེ་འཛིན་ལ་སོགས་པ་སྦྱིན་པ་ལ་སོགས་པ་ཡོངས་སུ་རྫོགས་པར་བྱེད་པའི་ཕྱིར་རོ། ། ༨ ཡོངས་སུ་གཟུང་བ་དམ་པ་ནི། རྣམ་པར་མི་རྟོག་པའི་ཡེ་ཤེས་ཀྱིས་ཡོངས་སུ་བཟུང་བའི་ཕྱིར་རོ། །༩ རྩོམ་པ་དམ་པ་ནི། མོས་པས་སྤྱོད་པའི་ས་ལ་བཟོད་པ་ཆེར་གྱུར་པའོ། ། ༡༠ རབ་ཏུ་འཐོབ་པ་དམ་པ་ནི། ས་དང་པོ་ལའོ། ། ༡༡ རྒྱུ་མཐུན་པ་དམ་པ་ནི། དེ་མ་ཡིན་པ་གཞན་བརྒྱད་པོ་དག་ལའོ། ། ༡༢ འགྲུབ་པ་དམ་པ་ནི། ས་བཅུ་པ་དང༌། དེ་བཞིན་གཤེགས་པའི་ས་ལ་བྱང་ཆུབ་སེམས་དཔའ་འགྲུབ་པ་དང༌། སངས་རྒྱས་འགྲུབ་པའི་ཕྱིར་རོ། །
Domain	ཆོས་ལུགས།

{{#arraymap:དམ་པ་རྣམ་པ་བཅུ་གཉིས་

|; |@@@ | | }}