29936

དེ་ཁོ་ན་ཉིད་གསུམ་ (1)

Part of speech	མིང་ཚིག
Definition	སྔགས། མ་ཧཱ་ཡོ་ག རྙིང་མ། དེ་ཁོ་ན་ཉིད་གསུམ་ནི། རྒྱུའི་དེ་ཁོ་ན་ཉིད། འབྲས་བུའི་དེ་ཁོ་ན་ཉིད། རྒྱུས་འབྲས་རོ་གཅིག་པའི་དེ་ཁོ་ན་ཉིད་དེ། དཀོན་ཅོག་འགྲེལ་ལས། སྐབས་སྐབས་སུ་རང་རང་གི་དོན་ལ་ཕྱིན་ཅི་མ་ལོག་ཅིང་མི་བསླུ་བ་ཙམ་ལ་ཡང་དེ་ཁོ་ན་ཉིད་ཅེས་པའོ། །གཞུང་འདི་ཉིད་ཀྱི་རང་སྐད་ནི། རྒྱུའི་དེ་ཁོ་ན་ཉིད་དང་། འབྲས་བུའི་དེ་ཁོ་ན་ཉིད་དང་། རྒྱུ་འབྲས་རོ་གཅིག་པའི་དེ་ཁོ་ན་ཉིད་དོ། །ཞེས་དང་། དེ་ལ་རྒྱུའི་དེ་ཁོ་ན་ཉིད་ཐུན་མོང་མ་ཡིན་པའི་གཞུང་བསྟན་པ་ལྟར། ཆོས་ཐམས་ཅད་ངོ་བོ་ཉིད་མེད་ཅིང་གཞི་མ་གྲུབ་པ་ལས་ཅི་ཡང་འཕྲུལ་པ་འབྱུང་བའི་ངོ་བོ་ཉིད་མེད་པ་འདི་ཉིད་རྒྱུའི་དེ་ཁོ་ན་ཉིད་དོ། །འབྲས་བུའི་དེ་ཁོ་ན་ཉིད་ནི། དེ་ལས་ཆོ་འཕྲུལ་སྣ་ཚོགས་སུ་སྣང་བ་ཡང་སྐུ་དང་ཡེ་ཤེས་ཀྱི་དཀྱིལ་འཁོར་ཉིད་དེ། འདི་ལ་ཕྱིན་ཅི་ལོག་དོར་ཞིང་བསལ་དུ་མེད་པས་འབྲས་བུའི་དེ་ཁོ་ན་ཉིད་དོ། །རྒྱུ་འབྲས་རོ་གཅིག་པའི་དེ་ཁོ་ན་ཉིད་ནི། དེ་ལྟར་རྒྱུ་དང་འབྲས་བུར་རྣམ་པར་གཞག་པ་དེ་ཡང་མ་སྐྱེས་པ་ཉིད་ཆུ་ཟླ་ལྟར་སྒྱུ་མ་སྣ་ཚོགས་སྣང་ཞིང་བྱ་བ་བྱེད་ལ། སྒྱུ་མ་ཉིད་ལ་ངོ་བོ་ཉིད་མེད་དེ་མ་སྐྱེས་པས་བདེན་པ་གཉིས་ཀྱི་མིང་ཙམ་དུ་ཡང་བརྗོད་དུ་མེད་དེ། དབྱེར་མེད་པའི་ཚུལ་འདི་ལ་ཕྱིན་ཅི་ལོག་མེད་པས་རྒྱུ་འབྲས་རོ་གཅིག་པའི་དེ་ཁོ་ན་ཉིད་ཅེས་བྱའོ། །ཞེས་གསུངས།
Domain	[ཆོས་ལུགས།, ལྟ་གྲུབ།]

དེ་ཁོ་ན་ཉིད་གསུམ་ (2)

Part of speech

མིང་ཚིག

Definition

མ་བཅོས་པའི་དེ་ཁོ་ན་ཉིད། མ་ནོར་བའི་དེ་ཁོ་ན་ཉིད། གཞན་མ་ཡིན་པའི་དེ་ཁོ་ན་ཉིད་དང་གསུམ་སྟེ། སྤར་ཁབ་ལས། དེ་ཁོ་ན་ཉིད་ཅེས་བྱ་བ་ལ་གསུམ་སྟེ། རྒྱུ་འབྲས་གཉིས་སུ་མེད་པ་ལ། །དེ་ཉིད་ངོ་བོ་སྐབས་ཀྱིས་གསུམ། །ཞེས་པས། རྟོག་ཚོགས་རིལ་རང་རིག་པ་ལས་མི་གཞན་པའི་ཕྱིར། སྣང་སྟོང་གཉིས་དང་བྲལ་བའི་ཡེ་ཤེས་ཀྱི་དཀྱིལ་འཁོར་ལ་བློ་མ་བཅོས་པར་བཞག་པ་ནི། མ་བཅོས་པའི་དེ་ཁོ་ན་ཉིད་དེ། སྐབས་ཀྱི་རྒྱུ་ཞེས་འདོགས་སོ། །དེ་ཉིད་ཡེ་ཤེས་ཀྱི་ཕྱག་རྒྱ་མང་པོར་རང་སྣང་བར་མངོན་སུམ་དུ་བྱུང་བ་ནི། མ་ནོར་བའི་དེ་ཁོ་ན་ཉིད་དེ། སྤྲོས་པ་ལ་ཞེན་པ་རྣམས་འབྲས་བུ་ཞེས་བཏགས་སོ། །དེ་དག་ཀྱང་མངོན་པར་ཞེན་པ་དག་གི་སྐབས་ལས་གཞན་མ་ཡིན་པ་ནི། གཞན་མ་ཡིན་པའི་དེ་ཁོ་ན་ཉིད་དེ། དབྱེ་བ་མ་གྲུབ་པས་རྒྱུ་འབྲས་གཉིས་སུ་མེད་པའི་དེ་ཁོ་ན་ཉིད་དོ་ཞེས་བྱའོ། །ཞེས་གསུངས།

དེ་ཁོ་ན་ཉིད་གསུམ་ (3)

Part of speech	མིང་ཚིག
Definition	སློབ་དཔོན་ཆེན་པོ་པདྨ་འབྱུང་གནས་ཀྱི་མན་ངག་ལྟ་བའི་ཕྲེང་བའི་མཆན་འགྲེལ་ནོར་བུའི་བང་མཛོད་ལས་བྱུང་བ་སྟེ། བདག་གི་དེ་ཁོ་ན་ཉིད། ལྷའི་དེ་ཁོ་ན་ཉིད། བཟླས་བརྗོད་ཀྱི་དེ་ཁོ་ན་ཉིད་དོ། །