30493

དེ་སྒྲུབ་ཀྱི་མཐུན་དཔེ་སྐྱོན་ཅན་ (1)

Part of speech	མིང་ཚིག
Definition	དེ་སྒྲུབ་ཀྱི་མཐུན་དཔེར་བཟུང་བ་གང་ཞིག དེ་སྒྲུབ་ཀྱི་མཐུན་དཔེ་ཡང་དག་གི་མཚན་ཉིད་དང་མི་ལྡན་པ་ཞིག་ལ་ཟེར་བ་ཡིན་ཏེ། དཔེར་ན་མིའི་མཚན་ཉིད་མ་ཚང་བ་ལ་མི་སྐྱོན་ཅན་ཞེས་བརྗོད་པ་བཞིན་ཡིན་ཏེ། དགའ་བྱང་བླ་རབས་བཅོ་བརྒྱད་པ་མཁས་མཆོག་བློ་བཟང་བསྟན་པའི་རྟགས་རིགས་མཐའ་དཔྱོད་ལས། སྒྲ་མི་རྟག་པར་སྒྲུབ་པའི་མཐུན་དཔེ་སྐྱོན་ཅན་གྱི་མཚན་ཉིད། སྒྲ་མི་རྟག་པར་སྒྲུབ་པའི་མཐུན་དཔེར་བཟུང་བ་གང་ཞིག སྒྲ་མི་རྟག་པར་སྒྲུབ་པའི་དཔེ་ཡང་དག་གི་མཚན་ཉིད་དང་མི་ལྡན་པ་དེ་དེ་ཡིན། ཞེས་གསུངས་པའི་ཕྱིར།
Domain	ཚད་མ།