32922

ནང་པ་གསང་སྔགས་པ་ (1)

Part of speech	མིང་ཚིག
Definition	སྔགས། མ་ཧཱ་ཡོ་ག རྙིང་མ། ནང་པ་གསང་སྔགས་པ་ནི། རྣལ་འབྱོར་ཆེན་པོའི་ཐེག་པའམ་ནང་རྒྱུད་སྡེ་གསུམ་གྱི་ཉམས་ལེན་པ་སྟེ་གསང་སྔགས་ནང་པའོ། །དེ་ཡང་ཡིད་ཀྱི་མུན་སེལ་ལས། གཉིས་པ་ནང་པ་གསང་སྔགས་པ་ནི་རྣལ་འབྱོར་ཆེན་པོ་སྟེ། གང་ལའང་ཐབས་ཀྱིས་ཟིན་པའི་སྒོ་ནས་སྤང་བླང་དང་བྱ་བཙལ་མེད་པར་སྤྱོད་ཅིང་། ཆོས་ཐམས་ཅད་ཡེ་ནས་ལྷའི་དཀྱིལ་འཁོར་དུ་སངས་རྒྱས་པར་འདོད་པས། ཡིན་པ་ལ་གསལ་འདེབས་པ་ཙམ་ལས་མ་ཡིན་པ་ཞིག་གདོད་སྒྲུབ་པར་མི་འདོད་ཅིང་། ལྷ་བསྐྱེད་དེ་ཡེ་ཤེས་པ་སྤྱན་འདྲེན་པ་ཡང་ཕྱོགས་གཞན་ནས་འོང་བར་མི་འདོད་དེ། རང་གི་སེམས་ཀྱི་རང་བཞིན་གོམས་ཤིང་བརྟན་པར་བྱེད་པའི་ཕྱིར་རོ། །དབྱེ་ན་ཐབས་བསྐྱེད་པའི་རིམ་པ་གཙོ་བོར་བསྟན་པ་ཕའི་རྒྱུད་དང་། ཤེས་རབ་རྫོགས་པའི་རིམ་པ་གཙོ་བོར་བསྟན་པ་མའི་རྒྱུད་དང་། བསྐྱེད་རྫོགས་གཉིས་སུ་མེད་པ་ཟུང་དུ་འཇུག་པ་གཉིས་སུ་མེད་པའི་རྒྱུད་དེ་གསུམ་དུ་གནས་སོ། །འདི་དག་ནི་གཞི་ཡེ་ནས་དག་པའི་དཀྱིལ་འཁོར་དུ་ཏིང་ངེ་འཛིན་ཟབ་མོས་གསལ་བཏབ་སྟེ། དབང་བསྐུར་ཞིང་བསྐྱེད་རྫོགས་བསྒོམས་པས། འབྲས་བུ་གཞིའི་དཀྱིལ་འཁོར་མངོན་དུ་གྱུར་ཏེ། འོག་མིན་དུ་ཞི་བ་དང་ཁྲོ་བོའི་དཀྱིལ་འཁོར་མངོན་དུ་མཛད་ནས་སྤྲུལ་པའི་སྐུ་གང་ལ་གང་འདུལ་དུ་ལྷུན་གྱིས་གྲུབ་པར་འབྱུང་བར་འདོད་དོ། །ཞེས་གསུངས། རྒྱས་པར་མ་ཧཱ་ཡོ་ག་དང་། ཨ་ནུ་ཡོ་ག་དང་། ཨ་ཏི་ཡོ་གའི་སྐབས་སུ་གཟིགས།
Domain	ཆོས་ལུགས།