From Rangjung Yeshe Wiki - Dharma Dictionary
< Dictionaries | Monlam Grand(diff) ← Older revision | Latest revision (diff) | Newer revision → (diff)
Jump to navigation
Jump to search
ནད་བརྒྱ་སྨན་གཅིག་ (1)
| Part of speech
|
མིང་ཚིག
|
| Definition
|
དུས་ནམ་ཡང་ཐབས་ལམ་ལྟ་བུ་གཅིག་ཁོ་ན་ལས་འགྱུར་བ་མེད་པའི་དཔེ་སྟེ།
|
| Example
|
ཁོང་གིས་ག་དུས་ཡིན་ཡང་ཐབས་ལམ་དེ་ནད་བརྒྱ་སྨན་གཅིག་ལྟ་བུར་བེད་སྤྱོད་གནང་གི་འདུག་ལྟ་བུ།
|
| Type
|
དཔེ་ཆོས།
|
ནད་བརྒྱ་སྨན་གཅིག་ (1)
| Part of speech
|
མིང་ཚིག
|
| Definition
|
ནད་མང་འཇོམས་ཐུབ་པའི་སྨན་ཏེ། དར་མོ་སྨན་རམས་པའི་གདམས་ངག་བཀའ་རྒྱ་མ་ལས། བྱང་བུལ་བཟང་པོ་སླད་མེད་ཐུན་གསུམ་ལ། །སྟར་བུ་ཐུན་གཅིག་སྦྱར་བ་ཆུ་བསྐོལ་ཕུལ། །བརྡབས་དང་གཡང་ལྷུང་རྡོ་དབྱུག་ཕོག་པ་དང་། །དབུགས་མི་ཐོན་དང་ཁྲག་རླུང་སྟོད་འཚང་དང་། །ངན་ཁྲག་སྣོད་ལྷུང་སྨུག་པོ་འགྱིང་འགྲིལ་སྐྲན། །མ་ཞུ་བ་དང་ཤ་དུག་བཙན་དུག་སེལ། །ཁྱད་པར་མོ་ནད་ཁྲག་འདྲིལ་བཤིག་པའི་མཆོག། །གདམས་པ་འདི་ལ་ནད་བརྒྱ་སྨན་གཅིག་ཟེར། །ཞེས་འབྱུང་བ་ལྟར་རོ། །
|
| Domain
|
གསོ་རིག
|
ནད་བརྒྱ་སྨན་གཅིག་ (2)
| Part of speech
|
མིང་ཚིག
|
| Definition
|
སྔོ་སྨན་མིང་ཅན་གྱི་དོན་ཏེ། བཻ་སྔོན་དུ། མིང་ཅན་ངོས་འཛིན་འདྲ་མིན་དུ་མ་གཉིས་སྨོས་ནས། སེར་པོ་དང་ནག་པོ་ཞེས་གཉིས། སྔོན་པོ་ལ་དམན་པ་ཞེས་གསུམ་དུ་འབྱེད་པ་དང༌། སེར་པོ་ཡང༌། འཁྲུངས་དཔེར། མིང་ཅན་སེར་པོ་ཞེས་བྱ་བ། །རོ་ནི་ཅུང་ཟད་ཁ་བ་ཡིན། །རང་གི་ནུས་པས་ལྷོག་པ་འཇོམས། །ཞེས་པ་ཙམ་ལས་གསལ་ཁ་མེད། །ཅེས་གསུངས། ཡང༌། དྷ་རྨ་སྭ་མིས། སྐྱེས་བུ་མིང་ཅན་ནག་པོའི་སྦྱོར་བ་འཆི་མེད་ལྷའི་བདུད་རྩི་ལས། སྐྱེས་བུ་མིང་ཅན་ནག་པོ་ནི། །ནད་ངན་ལྷོག་པའི་དུག་ཡིན་ཏེ། །སྟོད་ན་མི་སྐྱེ་སྨད་ན་སྐྱེ། །བྲག་དང་ས་རོང་བྱེ་མར་སྐྱེ། །རྩ་བ་ཤིང་གི་ཁེ་ཚེ་ལ། །རྟིང་པ་ཟངས་ཁབ་དམར་པོ་འདྲ། །བྱ་རྒོད་སྤུ་འདྲས་དྲིལ་ནས་ཡོད། །ལོ་མ་མཐུག་ལ་མེ་ཏོག་སེར། །དྲི་ནི་ཤིན་ཏུ་ཆེ་ལ་ལྡང༌། །བཅངས་ན་བདུད་རྩི་སྦྱིན་བག་འབྱར། །མིང་ཅན་ནག་པོ་བྱ་བ་ཡིན། །ཞེས་གསུངས། འདི་མེ་ཏོག་སེར་པོ་ཡིན་པས་ནག་པོར་མི་འགྲོ་སྨྲ་བ་ཡོད་དེ། ཁུར་ནག་ཀྱང་མེ་ཏོག་སེར་པོ་ཡིན་པས་ནག་པོར་མི་འགྲོའམ་སོམས་ཤིག ཁ་ཅིག་ལུག་མིག་ནག་པོ་རྩ་བ་ཤིང་གི་ཁེ་མདུད་ཅན་རྟིང་པའི་སྤྲ་བ་མེད་པ་མ་གཏོགས་འདི་འདྲ་བ་ལ་བྱེད་པའང་ཡོད་ལ། དེ་འདྲ་བར་ནུས་པ་མཚུངས་གསུངས། འདི་ལ་རང་བྱུང་པས། དབང་ཕྱུག་མིག་གིས་དུག་ཚད་སྡུད། །གསུངས་སོ། །དེ་སྐབས་སེར་ནག་གཉིས་སུ་བྱེད་པ་འཐད་དོ། །
|