33355

ནམ་མཁའ་སེངྒེ་ (1)

Part of speech

མིང་ཚིག

Definition

སྤྱན་སྔ་བ་མང་ཕུ་བསོད་ནམས་འབུམ་གྱི་དབོན་བརྒྱུད་ལས་འཁྲུངས་པ་དྲུང་རབས་དང་པོ་ནམ་མཁའ་སེངྒེའམ་བརྩོན་འགྲུས་འབུམ་པ་ནི། ཀཿཐོག་སྔ་རབས་པའི་ཕྱག་རྫོགས་ཀྱི་གདམས་ཁྲིམས་མ་ལུས་པ་གསན། གཏེར་ཆེན་རཏྣ་གླིང་པའི་མདུན་དུ་ཕེབས་ནས་ཆོས་བདག་དཀྱིལ་འཁོར་འཛིན་པའི་བུ་ཆེན་བརྒྱད་ཀྱི་གཙོ་བོར་ངོས་བཟུང། རང་གཏེར་ཡོངས་རྫོགས་ཀྱི་དབང་གདམས་གསན། རྒྱ་ར་བ་ན་མཁའ་ཆོས་ཀྱི་རྒྱ་མཚོ་ལས་ཀར་གླིང་ཞི་ཁྲོ་བར་དོ་དྲུག་གི་ཁྲིད་བཅས་གསན། གཏེར་སྟོན་རཏྣ་གླིང་པས་སྔགས་འཆང་དུ་ལུང་བསྟན་ནས་རིམ་བཞིན་ཁྱོད་ཀྱི་བརྒྱུད་ལས་དག་པའི་བླ་རབས་བཅུ་གསུམ་འབྱུང་ཞེས་ལུང་གསུངས་ནའང་སྙན་གྲགས་ལ་ཅུང་ཟད་གཡེང་བས་རྟེན་འབྲེལ་འཆུགས་ཏེ་དེ་ཚུན་དྲུང་རབས་རྣམས་དགོངས་པ་སངས་རྒྱས་སུ་བཞུགས་ཀྱང་སྣང་ཚུལ་ལ་སྒྲུབ་པ་གཙོ་བོར་མཛད་པ་ལས་འཆད་ཉན་ཆེར་མ་མཛད་དོ། །དྲུང་པ་འདིས་གདན་སར་འདུས་པ་ལོ་མང་དུ་བསྐྱངས་ནས་སྔ་སྲོལ་བཀའ་མ། ཉང་དང་ཆོས་དབང་སོགས་ཀྱི་གཏེར་ཆོས་དང༌། ཁྱད་པར་གཏེར་ཆེན་རཏྣ་གླིང་པའི་ཟབ་གཏེར་རྣམས་ཀྱི་སྨིན་གྲོལ་འཆད་སྤེལ་རྒྱ་ཆེར་མཛད། དེ་སྐབས་ཕྱོགས་ཐམས་ཅད་ནས་གྲྭ་རྒྱུན་ཤིན་ཏུ་མང་ཆེས་པས་རོང་པོ་དང་གསེར་པས་དགོན་ཉིན་དུ་གསེར་ཁང་དང༌། རྡོ་པའི་རི་རྩིབ་ཏུ་རྡོ་ཁང་གོང་འོག་བར་གསུམ། བུ་འབོར་དང༌། ཉག་རོང༌། གཞག་སར་གསུམ་གྱིས་ཀེ་ཐག་ཕུར་ཁང་ཚན་རྣམ་རྒྱབ། མགོན་ཁང་ཞིག་གསོ་དང༌། གསར་དུའང་རྟེན་གསུམ་ངོ་མཚར་ཅན་མང་དུ་བསྐྲུན། བསྟན་པའི་སྙིང་པོ་བཤད་སྒྲུབ་གཉིས་ཀྱི་འཕྲིན་ལས་མི་ནུབ་པར་སྤེལ་བར་མཛད་དོ། །

{{#arraymap:ནམ་མཁའ་སེངྒེ་

|; |@@@ | | }}