39385

བཀའ་བསྡུ་གཉིས་པ་ (1)

Part of speech	མིང་ཚིག
Definition	སངས་རྒྱས་མྱ་ངན་ལས་འདས་ནས་ལོ་བརྒྱ་དང་བཅུ་ལོན་པ་ན། ཡངས་པ་ཅན་གྱི་དགེ་སློང་གིས། ཧུ་ལུ་ཧུ་ལུ་ཡི་རང་དང། །ཀུན་སྤྱོད་སྣོད་དང་ལན་ཚྭ་དང། །ལམ་དང་སོར་གཉིས་དཀྲུགས་དང་གདིང། །གསེར་གྱི་རུང་བ་ཞེས་བྱ་སྟེ། །འདི་དག་རུང་མིན་གཞི་བཅུ་ཡིན། །ཞེས་མི་རུང་བའི་གཞི་བཅུ་བྱས་ཏེ། དེ་ཡང་ཆོས་མིན་གྱི་ལས་ཆོས་ཀྱི་ལས་སུ་བྱས་ཏེ། ཧུ་ལུ་ཧུ་ལུ་ཞེས་བརྗོད་པས་རུང་བར་བྱེད་པ་དང། སྔར་བཞིན་དུ་ལས་བྱས་ནས་དགེ་སློང་ཐམས་ཅད་ཀྱིས་རྗེས་སུ་ཡི་རང་ངོ་ཞེས་བརྗོད་ནས་རུང་བར་བྱེད་པ་དང། རང་གི་ལག་པའི་ཀུན་སྤྱོད་ཀྱིས་ས་བརྐོས་ནས་རུང་བར་བྱེད་པ་དང། ཇི་སྲིད་འཚོ་བའི་བར་དུ་སྤྱོད་པའི་ལན་ཚྭ་དུས་རུང་ལ་བསྲེས་ནས་དུས་མིན་དུ་ཟ་བ་དང། ལམ་དཔག་ཚད་ཕྱེད་ཙམ་དུ་ཕྱིན་ནས་འདུས་ཤིང་ཟ་བ་དང། ལྷག་པོར་མ་བྱས་པའི་ཟས་ཐོག་མར་སོར་མོ་གཉིས་ཀྱིས་བཅད་ནས་ཟ་བ་དང། ཆང་བླུག་པའི་སྣོད་ནས་ནད་པས་སྲིན་འབུ་པད་མས་ཁྲག་གཞིབས་པ་ལྟར་ཆང་གཞིབས་ཏེ་འཐུང་བ་དང། འོ་མ་དང་ཞོ་བསྲེས་ནས་དཀྲུགས་ཏེ། དུས་མིན་དུ་ལོངས་སྤྱོད་པ་དང། གདིང་བ་རྙིང་པ་ལས་མཐོ་གང་གིས་མ་གླན་པར་གསར་པ་ལ་སྤྱོད་པ་དང། དྲི་ཞིམ་པོས་བྱུགས་པའི་ལྷུང་བཟེད་ཁྲི་སྟན་དང་བཅས་པ་དགེ་ཚུལ་གྱི་མགོ་བོར་བཞག་ནས། ལམ་གྱི་བཞི་མདོར་ལྷུང་བཟེད་འདིར་གསེར་དངུལ་དང། རིན་པོ་ཆེ་བྱིན་ཅིག་ཅེས་རུང་བར་བྱེད་པའོ། །དེའི་ཚེ་གྲོང་ཁྱེར་ནོར་ཅན་ནས། དགྲ་བཅོམ་པ་གྲགས་པ་འཁོར་ལྔ་བརྒྱ་དང་བཅས་པ་ཡངས་པ་ཅན་དུ་འོངས་པས་མི་རུང་བའི་གཞི་བཅུ་བྱས་པར་རིག་ནས། དགྲ་བཅོམ་པ་ཐམས་ཅད་འདོད་ཀྱི་དྲུང་ན་གླེང་སྟེ། དམར་བུར་ཅན་གྱི་ཟླ་རྒུར་ལ་སོགས་པའི་ཕྱོགས་བཙལ་ནས། དགྲ་བཅོམ་པ་བདུན་བརྒྱ་འདུས་ཏེ། གནས་ཡངས་པ་ཅན་གྱི་ཀུསྨ་པུ་རིའི་གཙུག་ལག་ཁང་དུ། ཆོས་རྒྱལ་མྱ་ངན་མེད་ཀྱིས་སྦྱིན་བདག་བྱས་ནས་རུང་བ་མ་ཡིན་པའི་གཞི་བཅུ་སུན་ཕྱུང་སྟེ། བཀའ་བསྡུ་གཉིས་པ་བྱས་སོ་ཞེས་ཀུན་མཁྱེན་གོ་རམས་པའི་སྡོམ་གསུམ་རྣམ་བཤད་གསུང་རབ་དགོངས་གསལ་ལས་སོ། །
Domain	ཆོས་ལུགས།

{{#arraymap:བཀའ་བསྡུ་གཉིས་པ་

|; |@@@ | | }}