41259

བདེན་བཞི་ཕྲ་མོ་ (1)

Part of speech	མིང་ཚིག
Definition	མདོ། དབུ་མ། མཁས་གྲུབ་བསྟན་དར་བའི་དབུ་མའི་མཐའ་དཔྱོད་ལས། བདེན་བཞི་རགས་པ་འཇོག་ཚུལ་ནི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་ཉོན་མོངས་ལྷན་སྐྱེས་ཀྱིས་ཀུན་ནས་བསླངས་པའི་ལས་དེ་ལ་ཉོན་མོངས་དེས་བསྐྱེད་པའི་སྲེད་ལེན་གཉིས་ཀྱིས་གསོས་བཏབ་པའི་འཕེན་འགྲུབ་ཀྱི་ལས་ཉོན་གཉིས་ཀུན་འབྱུང་དུ་བྱས་པའི་རྒྱུ་ཀུན་འབྱུང་སོགས་བཞི། ལས་ཉོན་དེ་དག་གི་དབང་གིས་བྱུང་བའི་སྡུག་བདེན་ལ་མི་རྟག་སྡུག་བསྔལ་གཉིས། གང་ཟག་རང་རྐྱ་ཐུབ་པའི་རྫས་ཡོད་ཀྱིས་སྟོང་བདག་མེད་གཉིས་དང་བཅས་པའི་སྡུག་བདེན་གྱི་རྣམ་པ་བཞི། སྟོང་ཉིད་རྟོགས་པ་ལ་མ་ལྟོས་པར་གང་ཟག་རང་རྐྱ་ཐུབ་པའི་རྫས་ཡོད་ཀྱིས་སྟོང་པའི་སྟོང་ཉིད་མངོན་སུམ་དུ་རྟོགས་པའི་ཡེ་ཤེས་ལ་ལམ་རིག་པ་སོགས་བཞིར་ཕྱེ་བའི་ལམ་བདེན་གྱི་རྣམ་པ་བཞི། དེ་ཙམ་ཞིག་བསྒོམས་ནས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་རྟོག་པ་དང་དེས་དྲངས་པའི་ཉོན་མོངས་མངོན་གྱུར་སྤངས་པའི་སྤངས་པ་རྣམས་ལ་འགོག་པ་ཞི་བ་སོགས་བཞིར་ཕྱེ་བའི་བཅུ་དྲུག་པོ་རགས་པ་དང༌། གང་ཟག་དང་ཆོས་ཀྱི་བདག་འཛིན་ཕྲ་མོས་བསགས་པའི་ལས་སོགས་གོང་དུ་བཤད་པས་ཇི་ལྟར་རིགས་པར་སྦྱར་བ་རྣམས་ཕྲ་བའི་བདེན་བཞིའི་རྣམ་པར་འཇོག་པའི་ཕྱིར་ཏེ། བདག་མེད་ལ་ཕྲ་རགས་དང༌། ཉོན་མོངས་ལ་ཕྲ་རགས་ཀྱིས་བདེན་པའི་རྣམ་པ་ལ་ཡང་ཕྲ་རགས་འབྱུང་བ་ཡིན་པའི་ཕྱིར། ཞེས་གསུངས།
Domain	ཆོས་ལུགས།

{{#arraymap:བདེན་བཞི་ཕྲ་མོ་

|; |@@@ | | }}