41291

བདེན་འཛིན་ (1)

Part of speech	མིང་ཚིག
Definition	མདོ། ཐེག་ཆེན། ཉོན་མོངས་ཅན་གྱི་བདེན་འཛིན་དང་། ཉོན་མོངས་ཅན་མ་ཡིན་པའི་བདེན་འཛིན་ནོ། །སོ་སོ་སྐྱེ་བོས་རང་རྒྱུད་ཀྱི་ཕུང་པོ་ལ་བདེན་པར་འཛིན་པའི་བདེན་འཛིན་ལ་བྱ་སྟེ། དེ་ཉིད་ངར་འཛིན་དང་འདོད་ཆགས་ལ་སོགས་པའི་ཉོན་མོངས་པ་རྣམས་དང་མཚུངས་པར་ལྡན་ཞིང། དེས་ཟག་བཅས་ཀྱི་ལས་ཀུན་ནས་སློང་བར་ནུས་པའི་ཕྱིར། ཇི་སྐད་དུ། ཇི་སྲིད་ཕུང་པོར་འཛིན་ཡོད་པ། །དེ་སྲིད་དེ་ལ་ངར་འཛིན་ཡོད། །ཅེས་སོགས་དང་། གནས་དང་བཅས་པའི་སེམས་ཡོད་ན། །ཉོན་མོངས་དུག་ཆེན་ཅིས་མི་འབྱུང། །ཞེས་པ་ལྟར་རོ། །འཕགས་པའི་མཉམ་གཞག་ཏུ་ནི་བདེན་འཛིན་མི་འབྱུང་ལ། རྗེས་ཐོབ་དག་པ་འཇིག་རྟེན་པ་ལ་གནས་པའི་འཕགས་རྒྱུད་ཀྱི་བུམ་སོགས་ལ་བདེན་པར་འཛིན་པའི་བདེན་འཛིན་ལ་ནི་ཉོན་མོངས་པ་ཅན་མ་ཡིན་པའི་བདེན་འཛིིན་ཞེས་བྱ་སྟེ། འཕགས་པ་དེས་བུམ་སོགས་བདེན་སྟོང་དུ་མངོན་སུམ་དུ་གཟིགས་པས། རྗེས་ཐོབ་དག་པ་འཇིག་རྟེན་པ་ལ་གནས་པའི་འཕགས་པ་དེའི་རྒྱུད་ལ། བུམ་སོགས་ལ་དམིགས་པའི་ཆགས་སོགས་ཉོན་མོངས་པ་དང་མཚུངས་པར་ལྡན་པའི་བདེན་འཛིན་མི་འབྱུང་བའི་ཕྱིར་དང། འཕགས་པ་དེའི་རྒྱུད་ལ་རང་གི་ཕུང་པོ་ལ་བདེན་པར་འཛིན་པའི་མ་རིག་པ་དབང་ལྡན་དུ་ཡོད་ཀྱང། དེ་དང་ངར་འཛིན་མཚུངས་པར་ལྡན་པ་མི་སྲིད་དེ། དེས་རང་གི་ཕུང་པོ་བདེན་མེད་དུ་མངོན་སུམ་དུ་རྟོགས་པའི་ཕྱིར། ཇི་སྐད་དུ། དེ་ནི་རང་གཞན་གཉིས་ཀ་དང། །དུས་གསུམ་ཉིད་དུའང་མ་མཐོང་ཕྱིར་། །ངར་འཛིན་པ་ནི་ཟད་པར་འགྱུར། །དེ་ནས་ལས་དང་སྐྱེ་བ་ཡང། །ཞེས་དང་། ཁྱོད་ཀྱིས་རྣལ་འབྱོར་བདག་མེད་མཐོང་བ་ཡིས། །གཟུགས་སོགས་དེ་ཉིད་རྟོགས་པར་མི་འགྱུར་ཏེ། །གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས། །སྐྱེ་འགྱུར་དེ་ཡི་ངོ་བོ་རྟོགས་མེད་ཕྱིར། །ཞེས་གསུངས་སོ། །ཞེས་པཎ་ཆེན་ཤཱཀ་མཆོག་གིས་དབུ་འཇུག་རྣམ་བཤད་ལས་གསུངས་སོ། །
Domain	ཆོས་ལུགས།

{{#arraymap:བདེན་འཛིན་

|; |@@@ | | }}