41553

བཙུན་མོ་དམ་པ་སྲ་བའི་དབྱིངས་ (1)

Part of speech

མིང་ཚིག

Definition

དེ་བཞིན་གཤེགས་པའི་རིགས་ཀྱི་ཡུམ་སངས་རྒྱས་སྤྱན་མ་སྟེ། དཔལ་གསང་བ་སྙིང་པོའི་རྒྱ་ཆེར་འགྲེལ་པ་ལས། སྲ་བའི་དབྱིངས་དང་ཞེས་གསེར་གྱི་ས་གཞི་ལ་སོགས་པ་སྣོད་ཀྱི་འཇིག་རྟེན་དང་། ནང་གི་ལུས་ལ་ཡོད་པ་གང་ཡིན་དེ་སའི་ཁམས་སོ། །དེ་རྣམ་པར་དག་ཅིང་ཡོངས་སུ་དག་པ་ནི་སངས་རྒྱས་སྤྱན་གྱི་ངང་ཉིད་དུ་ལྟའོ། །ཞེས་དང་། དཀོན་ཅོག་འགྲེལ་ལས། དེ་ལ་དེ་བཞིན་ཉིད་ལ་མངའ་བརྙེས་པས་དབྱིངས་ཀྱི་དབང་ཕྱུག་མ་སྟེ། མི་དམིགས་པའི་ཤེས་རབ་ཆེན་པོ་ནམ་མཁའ་ལྟ་བུའི་བདག་ཉིད་རྡོ་རྗེའི་རིགས་ཀྱི་ཡུམ་དུ་འཕྲུལ་པའོ། །འདི་ལ་སྤྱན་རྒྱས་པ་མངའ་བས་སངས་རྒྱས་སྤྱན་ཏེ། དངོས་པོ་མེད་པའི་སའི་བདག་ཉིད་དེ་བཞིན་གཤེགས་པའི་རིགས་ཀྱི་ཡུམ་མོ། །ཞེས་གསུངས།