42625

བརྟག་པ་རྣམ་པ་དྲུག་ (1)

Part of speech	མིང་ཚིག
Definition	སྔགས། མ་ཧཱ་ཡོ་ག རྙིང་མ། བརྟག་པ་རྣམ་པ་དྲུག་ནི། དཀོན་ཅོག་འགྲེལ་ལས་ཡི་གེ་སྒྱུ་འཕྲུལ་བསྟན་པའི་སྐབས་སུ། དེ་ལ་ཡི་གེ་ཞེས་བྱ་བའི་རང་གི་ངོ་བོ་ཅི་ཞིག་ཡིན་བརྟག་པ་ཡང་། གོང་དུ་སྔགས་དང་ཕྱག་རྒྱ་བཤད་པའི་སྐབས་སུ་བསྟན་པ་བཞིན་ཏེ། བརྟག་པ་རྣམ་པ་དྲུག་ཏུ་འཇུག་གོ ། དེ་ཡང་འདི་ལྟར། ཐ་སྙད་ཀྱི་གནས་སྐབས་ལས་མི་ལྡན་པའི་འདུ་བྱེད་ཡིན་ནོ་ཞེས་བརྟག་པ་དང་། རྒྱལ་བ་རྣམས་ཀྱི་ཆོས་ཀྱི་ཕྱག་རྒྱ་སྟེ་དེའི་བརྡ་དང་མཚན་མར་གྱུར་པའོ་ཞེས་བརྟག་པ་དང་། དམ་ཚིག་ཅན་གྱི་སྐྱེ་བོས་ལྷར་བརྟགས་པའོ་ཞེས་བརྟག་པ་དང་། མཚན་མ་འདི་ཡང་བྱིན་རླབས་དང་ནུས་པ་ཅན་སྟེ། འདིས་སྐྱེ་བོ་རྣམས་ལ་མཚོན་ན་དེ་བཞིན་གཤེགས་པ་ཉིད་དུ་བྱིན་གྱིས་རློབ་པར་བྱེད་པའི་ཡི་གེ་ནི་སངས་རྒྱས་སོ་ཞེས་བརྟག་པ་དང་། དེ་བཞིན་གཤེགས་པའི་བྱིན་རླབས་དང་རྣམ་པར་སྨིན་པའི་ཆོས་འདྲེས་པའི་སྣང་བ་ཡིན་ནོ་ཞེས་བརྟག་པ་དང་། སངས་རྒྱས་ཀྱི་ཡེ་ཤེས་ཆེན་པོ་ཉིད་ཡི་གེར་བྱིན་གྱིས་བརླབས་པ་ཡིན་ཏེ། དེའི་ཕྱིར་སངས་རྒྱས་ཉིད་དོ་ཞེས་བརྟག་པ་སྟེ། བརྟག་པ་རྣམ་པ་དྲུག་གོ ། ཞེས་གསུངས།
Domain	ཆོས་ལུགས།