45244

བསླབ་པ་སྦྱིན་པ་ (1)

Part of speech	མིང་ཚིག
Definition	མདོ། འདུལ་བ། དགེ་སློང་དགའ་བ་ཅན་གྱིས་བསླབ་པ་མ་ཕུལ་བར་དུས་ཡུན་རིང་མོ་ཞིག་ལ་འདོད་པ་སྤྱད་དེ་འགྱོད་ནས་སྒྲོགས་པ་ན། སྟོན་པ་དང་མཇལ་ནས་འཆབ་སེམས་མ་སྐྱེས་པ་འདི་ལྟ་བུ་ལ་ཕམ་པ་བྱུང་ན་ད་དུང་བསླབ་པ་ལ་སློབ་པའི་སྐལ་བ་དང་ལྡན་པས་སླར་ཡང་བསྙེན་རྫོགས་བྱ་ཞིང་བསྙེན་པར་རྫོགས་པའི་དགའ་སྟོན་ཆེན་པོ་ཡང་བྱའོ། །གཞན་ཡང་འོག་ནས་འབྱུང་བའི་འབུལ་ཆོག་བཞིན་དུ་བསླབ་པ་ཕུལ་བས་ཁྱིམ་པར་སོང་ནའང་ད་དུང་བསླབ་པ་ནོད་པའི་སྐལ་བ་དང་ལྡན་ཞེས་སྦྱར་རོ། །དེ་དགེ་སློང་མ་ལ་ནི་བསྐྱར་དུ་མི་རུང་སྟེ། ཨུ་པ་ལི་ལན་གཅིག་བཅབས་པའི་དགེ་སློང་མས་ཆོས་འདུལ་བ་ལ་རབ་ཏུ་བྱུང་བ་བསྙེན་རྫོགས་བྱས་ནས་དགེ་སློང་མའི་དངོས་པོར་དབྱུང་དུ་མེད་ཅེས་ཕྲན་ཚེགས་ལས་གསུངས་སོ། །གཞི་འགྲེལ་ལས། སྐྱེས་པ་ལ་ནི་ལན་བདུན་གྱི་བར་དུ་རབ་ཏུ་དབྱུང་དུ་རུང་ཞེས་དང་། བུད་མེད་ནི་རྟགས་བོར་ཕྱིན་ཆད་ལན་གཅིག་ཀྱང་མི་བསྐྱར་ཞེས་ཏེ། མ་བོར་ན་ལན་གཅིག་བསྐྱར་དུ་རུང་བར་གསལ་ཞེས་བླ་མ་དག་གསུང་ངོ་། །ཡང་དགེ་སློང་མ་བསླབ་པ་ཕུལ་བ་རྟགས་བོར་བ་དེ་ལ་སྐྱེས་པའི་མཚན་བྱུང་ན་སླར་ཡང་སྐྱེའོ། །འཆབ་སེམས་སྐྱེས་ན་ལན་གཅིག་ཀྱང་མི་སྐྱེ་བར་གསལ་ཏེ། ཕྲན་ཚེགས་ལས། སྦོམ་དགའ་མོ་སྔར་རབ་ཏུ་བྱུང་བ་མོ་ཞིག་སླར་བབ་པ་ཡང་སྦོམ་དགའ་མོའི་སླར་ཕྱུང་བ་ན་ཁྱིམ་བདག་དག་དགེ་སློང་མ་འདི་ངལ་གསོ་ཞིང་ཆོས་ལ་སྤྱོད་དོ་ཞེས་སྨོད་པ་ན། སྟོན་པའི་གསུངས་པ་ལན་གཅིག་བཅབས་པའི་རྗེས་སུ་མཐུ་མེད་པས་དགེ་སློང་མ་རབ་ཏུ་མ་ཕྱུང་ཞིག་ཅེས་གསུངས་སོ། །ཞེས་ཀུན་མཁྱེན་རོང་སྟོན་གྱི་འདུལ་ཕྲེང་རྣམ་འགྲེལ་ལས་སོ། །
Domain	ཆོས་ལུགས།