46246

བུད་མེད་ཀྱི་སྨེ་བའི་མཚན་བཅུ་གཉིས་ (1)

Part of speech

མིང་ཚིག

Definition

སྟག་རྣའི་རྟོགས་པ་བརྗོད་པ་ལས་བྱུང་བ་སྟེ། ༡ མགོ་དཀྱིལ་ན་སྨེ་བ་ཕྲ་ཞིང་ས་དཀར་པོའི་ཁ་དོག་ལྟ་བུ་ཡོད་ན། བུད་མེད་ད་ནི་རྒྱལ་པོའི་བཙུན་མོར་འགྱུར་རོ། །དེ་ནི་མཆུ་པདྨ་ལྟར་དམར་བར་འགྱུར་རོ། ། ༢ བུད་མེད་ཀྱི་མགོ་ལ་སྨེ་བ་ཕྲ་ཞིང་ལིག་པུ་མིག་གི་ཁ་དོག་ལྟ་བུ་ཡོད་ན། དེ་ནི་དམག་དཔོན་གྱི་ཆུང་མར་འགྱུར་ཏེ། ནུ་མ་གཉིས་ཀྱི་དཀྱིལ་ན་ཐིག་ལེ་ལྟ་བུའི་སྨེ་བ་ཡོད་པར་འགྱུར་རོ། ། ༣ སྨིན་མ་གཉིས་ཀྱི་མཚམས་ན་སྨེ་བ་ཡོད་ན་དེ་ནི་ཁྱིམ་ཐབ་ལས་འཕྱོ་ཞིང་བག་མེད་པར་སྤྱོད་ལ། ཁྱོ་ལྔ་ཡོང་བར་འགྱུར་ཞིང་ཟས་དང་། སྐོམ་དུ་རྙེད་པར་འགྱུར་རོ། ། ༤ གསང་བའི་གནས་ན་སྨེ་བའི་ཐིག་ལེ་ཡོད་ན་ཁྱོ་ལྔ་ཡོད་པར་འགྱུར་རོ། ། ༥ མཁུར་ཚོས་ལ་སྨེ་བ་ཡོད་ན། དེ་ནི་ཁྱིམ་ཐབ་ལས་འཕྱོ་ཞིང་བཟོད་པར་དཀའ་བའི་སྡུག་བསྔལ་ཐོབ་པར་འགྱུར་རོ། ། ༦ བརླའི་ཕྱི་གཤམ་ན་སྨེ་བ་ཤིག་ལེ་ལྟ་བུ་ཡོད་པ་དང་། རྣ་བ་ལ་སྨེ་བ་ཡོད་པ་ནི་ཐོས་པ་མང་ཞིང་བག་མེད་པར་བསྟན་ཏོ། ། ༧ མཇུག་ཏོ་ན་ཐིག་ལེ་ལྟ་བུའི་སྨེ་བ་ཡོད་པ་ནི་ཐོས་པ་མང་ཞིང་ཁྱིམ་ཐབ་ཀྱི་བརྟུལ་ཞུགས་ཅན་དུ་འགྱུར་རོ། ། ༨ ཡ་མཆུ་ལ་སྨེ་བ་ནག་པོ་ཡོད་པ་དེ་ནི་རྫུན་སྨྲ་ཞིང་ཁྱིམ་ཐབ་ལས་འཕྱོ་ལ་སྡུག་བསྔལ་མི་བཟད་པ་མྱོང་བར་འགྱུར་རོ། ། ༩ བརླ་ལ་སྨེ་བ་ཡོད་པ་ནི་སྔ་མ་དང་འདྲའོ། ། ༡༠ མཆུ་ལ་སྨེ་བ་ཡོད་པ་ནི་བག་ཆུང་ཞིང་ཁྱིམ་ཐབ་ལས་འཕྱོ་བར་བསྟན་ཏོ། ། ༡༡ གསང་བའི་ནང་ན་སྨེ་བ་ཡོད་པ་དེ་ནི་ཟས་དང་། སྐོམ་མང་དུ་རྙེད་པར་འགྱུར་རོ། ། ༡༢ ཀོས་ཀོ་དང་། གསང་བའི་ནང་ན་སྨེ་བ་ཡོད་པ་དེ་ནི་ཁྱིམ་ཐབ་ལས་འཕྱོ་ཞིང་ཟས་དང་། གོས་མང་དུ་རྙེད་པར་འགྱུར་རོ། །