50006

མ་དག་པའི་ཚུལ་ཁྲིམས་ (1)

Part of speech	མིང་ཚིག
Definition	སྡོམ་གསུམ། ཉན་ཐོས་ཀྱི་ནི་སྡོམ་པ་ལ། །ཐེག་པ་ཆེན་པོར་འཆོས་པ་དང། །དེ་བཞིན་ཐེག་ཆེན་ཉན་ཐོས་སུ། །འཆོས་པ་ཚུལ་ཁྲིམས་མ་དག་པ། །རང་ཉིད་ཚུལ་ཁྲིམས་བསྲུངས་ན་ཡང། །ཚུལ་ཁྲིམས་ལ་ནི་མཆོག་འཛིན་ཅིང། །གཞན་ལ་ཁྱད་གསོད་བྱེད་པ་ནི། །མ་དག་པ་ཡི་ཚུལ་ཁྲིམས་ཡིན། །ཞེས་ས་པཎ་གྱི་སྡོམ་གསུམ་རབ་དབྱེ་ལས་སོ། ། ཉན་ཐོས་ཀྱི་སྡོམ་པ་འབོགས་པའི་ཚེ་ཐེག་ཆེན་གྱི་ཆོ་ག་དང་བསྲེས་ནས་བྱང་ཆུབ་མ་ཐོབ་བར་དུ་ལེན་པ་དང། ཐེག་ཆེན་གྱི་སྡོམ་པ་གཟུགས་ཅན་དུ་འདོད་པ་ཇི་སྲིད་འཚོ་བའི་བར་དུ་ལེན་པ་དང། ཚུལ་ཁྲིམས་མཆོག་ཏུ་འཛིན་པའི་ལྟ་བ་དང། རང་ཉིད་ཚུལ་ཁྲིམས་སྲུང་བའི་སེམས་ཀྱིས་གཞན་མ་དག་པ་ཁྱད་དུ་བསོད་པ་ནི་མ་དག་པའི་ཚུལ་ཁྲིམས་ཡིན་ནོ་ཞེས་སྤོས་ཁང་པའི་སྡོམ་གསུམ་རྣམ་བཤད་གཞུང་ལུགས་ལེགས་བཤད་ལས་སོ། ། རིས་བདུན་སེམས་ཇི་སྲིད་འཚོ་བའི་བར་དུ་ལེན་པ་ཉན་ཐོས་ཀྱི་སྡོམ་པ་ཐེག་པ་ཆེན་པོར་འཆོས་པ་དང། དེ་བཞིན་དུ་ཐེག་པ་ཆེན་པོའི་ཚུལ་ཁྲིམས་བསྲུངས་ནས་ཉན་ཐོས་དང་རང་སངས་རྒྱས་ལ་དམིགས་པ་ཐེག་ཆེན་ཉན་ཐོས་སུ་འཆོས་པའི་ཚུལ་ཁྲིམས་མ་དག་པ་ཡིན་ནོ་ཞེས་ཀུན་མཁྱེན་གོ་རམས་པའི་སྡོམ་གསུམ་རྣམ་བཤད་གསུང་རབ་དགོངས་གསལ་ལས་སོ། །
Domain	ཆོས་ལུགས།

{{#arraymap:མ་དག་པའི་ཚུལ་ཁྲིམས་

|; |@@@ | | }}