50048

མ་དྲོས་པའི་མཚོ་ (1)

Part of speech	མིང་ཚིག
Definition	མདོ། མངོན་པ་མཛོད་ནས་བཤད་པའི་འཛམ་གླིང་འདི་ཡི་བྱང་ཕྱོགས་ནས་ནག་པོ་རི་དགུ་འདས་པའི་ཕ་རོལ་གངས་རི་དེ་ནས་ཕ་རོལ་སྤོས་ངད་ལྡང་བའི་རིའི་ཚུལ་རོལ་དེ་གཉིས་ཀྱི་བར་གྱི་མཚོ་སྟེ། དེའི་གནས་ནི་ཟབ་དང་ཞེང་དུ་དཔག་ཚད་ལྔ་བཅུ་ཡོད་ལ། ཆུར་ཡང་དཔག་ཚད་ལྔ་བཅུ་ཡོད་དོ། །དེར་ནི་རྫུ་འཕྲུལ་དང་མི་ལྡན་པའི་མིས་འགྲོ་བར་དཀའོ། །མཚོ་མ་དྲོས་པ་ཞེས་བྱའི་མཐའ་སྐོར་དུ་དཔག་ཚད་ཉིས་བརྒྱས་འཁོར་བའི་གྲུ་བཞི་པ་དབྱིབས་ལེགས་ཤིང་བལྟ་ན་སྡུག་ལ་མཛེས་པ་ཡན་ལག་བརྒྱད་དང་ལྡན་པའི་ཆུས་གང་བ། མེ་ཏོག་ཨུཏྤལ་དང་པད་མ་དང་ཀུ་མུ་ཏ་དང་པད་མ་དཀར་པོས་ཁེབས་པ་ཡོད་དེ། དེའི་ནང་ནས་གང་གཱ་དང་། སིན་དྷུ་དང་། སི་ཏ་དང་། པཀྵུ་སྟེ་ཆུ་བོ་ཆེན་པོ་བཞི་རེ་རེའང་ཆུ་བྲན་ལྔ་བརྒྱ་ལྔ་བརྒྱ་དང་བཅས་པ་མཚོ་མ་དྲོས་པ་ལ་གཡས་ཕྱོགས་སུ་བསྐོར་ནས་ཤར་ཕྱོགས་བྲག་གླང་པོའི་ཁ་དང་། ལྷོ་ཕྱོགས་ཁྱུ་མཆོག་གི་ཁ་དང་། ནུབ་ཕྱོགས་རྟའི་ཁ་དང་། བྱང་ཕྱོགས་སེང་གེའི་ཁ་ལྟ་བུ་ལས་བབས་ཏེ་རིམ་པ་ལྟར་ཤར་ལྷོ་ནུབ་བྱང་གི་རྒྱ་མཚོར་འགྲོའོ། །
Domain	ཆོས་ལུགས།

{{#arraymap:མ་དྲོས་པའི་མཚོ་

|; |@@@ | | }}