50112

མ་ནུ་པ་ཏྲ་ (1)

Part of speech	མིང་ཚིག
Definition	མ་ནུ་པ་ཏྲས་རླུང་ཁྲག་ཚ་བ་སེལ། །ཞེས་པར། ལྕགས་ཕྲེང་ལས། མ་ནུ་དྲོ་ལ་ནུས་པ་ཆེ་བས་བད་ཀན་གྲང་བ་སེལ། །ཞེས་དང༌། །ཏེ་ཛོ་ཛྭ་ལས། མ་ནུ་དྲོ་སྐམ་རླུང་འཇོམས་ཕོ་དྲོད་སྐྱེད། །ཟས་འཇུ་ཡི་གར་འོང་དང་གཟེར་བ་འཇོམས། །ཞེས་དང༌། རང་བྱུང་པས། པ་ཏྲས་བད་ཚད་འཇོམས་པར་བྱེད། །ཅེས་གསུངས། འདི་ལ་རིགས་མང་སྟེ། དྲི་ཚིག་དངུལ་དཀར་མེ་ལོང་ལས། མ་ནུ་ཞེས་པ་སྤྱི་མིང་ཡིན་ཅིང༌། སོ་སོར་རིགས་ཕྱེ་ན། མ་ནུ་པ་ཏྲ་དང༌། མ་ནུ་པུཥྐར་དང༌། མ་ནུ་རུ་རྟ་དང༌། མ་ནུ་རྟ་སྐམ་དང༌། མ་ནུ་ཤུ་ཟུར་དང༌། མ་ནུ་ཁྲག་ཅན་དང༌། མ་ནུ་གསེར་ཤིང་དང༌། མ་ནུ་ལྕགས་ཐག་ཅེས་པ་རྣམས་གསོ་དཔྱད་ཀྱི་གཞུང་མང་པོ་དག་ལས་བཤད་ལ། རྒྱ་ནག་གི་ལུགས་ཀྱི་མ་ནུའི་སྦྱོར་སྡེའི་བསྟན་བཅོས་ལས་ནི་བྱ་འཕུར་སླེབ་ཀྱང་མ་ནུའི་རིགས་སུ་བཤད་པ་སྣང་ངོ༌། །ཞེས་གསུངས། འདི་ནི་མཁས་པའི་བཤད་རྒྱང་གིས་ཕ་རོལ་གཏིང་དཔོག་ཕྱིར་མ་ནུའི་མིང་ཐོགས་ཚད་དྲངས་ནས་དྲི་ཡུལ་མིང་ལ་འཁྲུལ་ལམ་མ་འཁྲུལ་བརྟག་པའི་ཆེད་དུ་གསུངས་པ་ཡིན། དོན་ལ་དེ་དག་རིགས་ཕལ་ཆེར་མི་གཅིག་གོ ། རྒྱ་གར་སྐད་དུ་མ་ནུ་ཟེར་བ། བོད་ལ་ཡིད་འོང་དང༌། ཤེད་ཆེན་དང༌། ཤེད་ལས་སྐྱེས་དང༌། ཤེད་ཀྱི་བུ་དང༌། མི་རྣམས་ལ་འཇུག་པས། སྨན་གྱི་ཁྱད་ཆོས་ལ་བསྔགས་པའི་མིང་ཡིན་པས། ལོ་མ་མེ་ཏོག་དྲི་མ་སོགས་ཡིད་ལ་འོང་བ་དང༌། ནུས་པ་ཤེད་ཆེ་བ་དང༌། སྐྱེ་སྟོབས་ཤེད་ཆེ་བ་རྣམས་ལ་གདགས་སུ་འོས་པའི་མིང་ཡིན་པས་རིགས་ལ་མ་ངེས་སོ། །བཤད་བྱ་དངོས་ནི་མ་ནུ་པ་ཏྲ། ཞེས་པའི་པ་ཏྲ་ནི། ལོ་འདབ་དང་གོས་ལ་འཇུག་པས། སྐབས་འདིར་ཡིད་འོང་འདབ་མ་ཅན་ནོ། །ངོ་བོ་ནི། བདུད་རྩི་རྫིང་བུར། མ་ནུ་པ་ཏྲ་ཞེས་བྱ་བ། །ལྷོ་བལ་རིག་པའི་འབྱུང་གནས་དང༌། བསོད་ནམས་ལྡན་པའི་ལྡུམ་རར་སྐྱེ། །རྩ་བ་དུང་གི་ཆོ་ལོ་འདྲ། །ལོ་མ་གཡུ་ལོ་གྱེན་དུ་འབར། རྒྱབ་ལ་དངུལ་གྱི་བ་སྤུ་ཆགས། །མེ་ཏོག་སེར་འོད་མདངས་དང་ལྡན། །དྲི་ཞིམ་སྤོས་ངད་རྒྱུན་མི་འཆད། །རོ་ནི་མངར་ཁ་ཚ་བ་ལ། །ཞུ་རྗེས་མངར་སྐྱུར་ལྡན་པར་ཞུ། །རང་གི་ནུས་པས་རླུང་ཁྲག་དང༌། །བད་ཀན་ཚ་བ་སེལ་བྱེད་ཅིང༌། །ཕོ་བའི་ལྷེན་དང་བད་མཁྲིས་འཇོམས། །ཞེས་དང༌། སྨན་གྱི་བྱིངས་ལས། མ་ནུ་པ་ཏྲ་ནི་མངར་བའི་ཁ་བ་ཚ་བའོ། །ཞེས་དང༌། གཏེར་མཛོད་ལས། མ་ནུ་པ་ཏྲ་མངར་ཞིང་ཁ། ཚ་བའི་རོ་དང་ལྡན་པ་ལས། ཞུ་རྗེས་མངར་ཞིང་སྐྱུར་བར་ཞུ། །རླུང་ཁྲག་ཚ་བ་བད་ཀན་སེལ། །སྣུམ་བསིལ་རྣོ་དྲོ་ལྡན་པ་ཡིས། །ནུས་པའི་ཁྱད་པར་ལྡན་པ་ཡིན། །ཞེས་གསུངས་སོ། །ད་ལྟ་ཡུལ་ཕལ་མོ་ཆེའི་ལྡུམ་རར་རྩ་བ་འཛུགས་པའི་མ་ནུ་འདིའོ། །ཕལ་ཆེར་པ་ཏྲ་ཞེས་པ་ལོ་མ་ཡིན་པས་ལོ་མ་གཏོང་དགོས་གསུངས་པ་སྒྲ་ཡིན་ཡང་དོན་མིན་པས་རྩ་བ་དགོས་སོ། །
Foreign	རྒྱ་གར།

{{#arraymap:མ་ནུ་པ་ཏྲ་

|; |@@@ | | }}