50163
< Dictionaries | Monlam Grand
Jump to navigation
Jump to search
| Part of speech | མིང་ཚིག |
|---|---|
| Definition | སྔགས། ཨ་ནུ་ཡོ་ག རྙིང་མ། གང་ལ་མཚོན་པས་འདུལ་བ་ལ་དགོངས་པའི་ཆོ་འཕྲུལ་གྱི་ནང་གསེས་ཤིག་སྟེ། གང་ལྷ་ཞི་བ་སྤྱིའི་རང་བཞིན་གྱི་སྐུ་མདོག་མ་བཅོས་པས་འདུལ་བར་དགོངས་པའི་ཕྱིར་མ་བཅོས་པས་འདུལ་བ་ལ་དགོངས་པ་ཞེས་བྱ། མདོ་དགོངས་པ་འདུས་པ་ལས། ལང་ཀའི་བདག་པོ་དེ་ལ་མ་བཅོས་པས་འདུལ་པ་ལ་དགོངས་པ་ནི་དུང་ལྟ་བུ་དང༌། ཀུ་མུད་ལྟ་བུ་དང༌། ཟླ་བ་ལྟ་བུ་དང༌། ཉི་མ་ལྟ་བུའོ། །ཞེས་པ་ལྟར་གཟི་ལྡན་འཆར་ཁའི་འོད་སྣང་ལས། དེ་ལ་མ་བཅོས་པས་འདུལ་བ་ལ་དགོངས་པ་བཞི་ནི་ལྷ་གཅིག་ལའང་ལྡན་ཏེ། ཉོན་མོངས་པ་མེད་པའི་རྟགས་སུ་ཡེ་ནས་རང་བཞིན་གྱིས་དག་ཅིང་དྲི་མ་མེད་པས་དུང་ལྟ་བུ་དང༌། གཟི་མདངས་དང་ལྡན་པའི་རྟགས་སུ་སྣུམ་ལ་འབྲེལ་བ་ཀུ་མུ་ཏ་ལྟ་བུ་དང༌། ཀུན་ལ་སྣང་བའི་རྟགས་སུ་དྭངས་ཤིང་རྙོགས་པ་མེད་པ་ཟླ་བ་ལྟ་བུ་དང༌། རང་བཞིན་གྱིས་འོད་གསལ་བའི་རྟགས་སུ་ཤིན་ཏུ་གསལ་ཞིང་འཚེར་བ་ཉི་མ་ལྟ་བུའོ། །བཞི་བོ་དེས་ཡེ་ནས་ལྷ་ཀུན་གྱི་སྐུ་མདོག་ལ་ཁྱབ་པའི་ཕྱིར་མ་བཅོས་པས་འདུལ་བ་ཞེས་པའི་མིང་འགྲུབ་བོ། །ཞེས་གསུངས། |
| Domain | ཆོས་ལུགས། |
{{#arraymap:མ་བཅོས་པས་འདུལ་བ་ལ་དགོངས་པ་
|; |@@@ | | }}