51079
< Dictionaries | Monlam Grand
Jump to navigation
Jump to search
| Part of speech | མིང་ཚིག |
|---|---|
| Definition | སྟོད་ལུང་རམ་པར་འཁྲུངས། བལ་ཡུལ་དུ་སོང་ནས་བལ་བཟའ་ཁྲི་བཙུན་ཆོས་རྒྱལ་སྲོང་བཙན་སྒམ་པོའི་བཙུན་མོར་གདན་དྲངས། རྒྱལ་པོ་ལ་རོགས་རམ་བྱས་ནས་ཁྲིམས་བཟོ་བ་དང༌། སྟོང་སྡེ། རུ་བཞི། རྒོད་གཡུང་གི་སྡེ་དབྱེ་བ་འབྱེད་པ། ཁྲལ་སྡུད་པ་སོགས་ཀྱི་ལས་བྱས། ཐང་གི་རྒྱལ་ས་ཁྲང་ཨན་དུ་སོང་ནས་ཐང་གི་རྒྱལ་པོ་གོང་མ་ཐང་ཐེ་ཙུང་གི་སྲས་མོ་འུན་ཤིང་ཀོང་ཇོ་ཆོས་རྒྱལ་སྲོང་བཙན་སྒམ་པོའི་བཙུན་མོར་བསུས། ཚེ་སྨད་ལ་འ་ཞའི་ཡུལ་དུ་སྔ་རྗེས་བསྡོམས་ལོ་དྲུག་དང་། གྲུ་གུའི་ཡུལ་དུ་ལོ་གཅིག་བཅས་མཐའ་སྲུང་བློན་ཆེན་གྱི་ལས་འགན་ཁུར། རྒྱལ་པོ་སྲོང་བཙན་སྒམ་པོ། རྒྱལ་པོ་གུང་རི་གུང་བཙན་དང་། རྒྱལ་པོ་མང་སྲོང་མང་བཙན་བཅས་ཀྱི་བློན་ཆེན་གནང་། མེ་ཡོས་ཕྱི་ལོ་ ༦༦༧ ལོར་འ་ཞའི་ཡུལ་ནས་བོད་ལ་ཕྱིར་ལོག་བྱས་པའི་ལམ་བར་ཟིང་མདའ་ཟེར་བའི་ས་ཆར་གཉན་འབྲས་ཀྱི་ན་ཚ་བྱུང་ནས་འདས། ཆོས་རྒྱལ་སྲོང་བཙན་སྒམ་པོ་ལ་མེད་ཐབས་མེད་པའི་བློན་ཆེན་བཞི་ཡོད་པའི་ནང་གི་གཅིག་ཡིན་ལ། སྲས་བཙན་སྙ་ལྡོམ་བུ་སོགས་བདུན་དང་། ལྔ། བཞི་བཅས་བཤད་ལུགས་མི་འདྲ་བ་འགའ་ཤས་སྣང་། |
{{#arraymap:མགར་བློན་སྟོང་བཙན་ཡུལ་སྲུང་
|; |@@@ | | }}