53872

མཚན་གྱི་བཤད་ལུགས་བདུན་ (1)

Part of speech	མིང་ཚིག
Definition	སྔགས། ཨ་ནུ་ཡོ་ག རྙིང་མ། རྒྱུད་ལུང་མན་ངག་གསུམ་དང་སྦྱར་ཏེ་བཤད་པ། ཆེ་བ་བདུན་དང་སྦྱར་ཏེ་བཤད་པ། བྱུང་ཚུལ་བཅུ་གཉིས་དང་སྦྱར་ཏེ་བཤད་པ། ལེའུ་བདུན་ཅུ་རྩ་ལྔ་དང་སྦྱར་ཏེ་བཤད་པ། མཚོན་པ་དཔེ་དང་སྦྱར་ཏེ་བཤད་པ། སྣོད་བཞི་ལ་བསྟན་པ་བཞི་རུ་གསུངས་པ་དང་སྦྱར་ཏེ་བཤད་པ། མཚན་གཏན་ཚིགས་ཀྱི་སྒོ་ནས་བཤད་པ་བཅས་བདུན། མདོ་དགོངས་པ་འདུས་པ་ལེའུ་རེ་དྲུག་པ་རུ་གསང་བདག་གིས་མ་ལ་ཡར་ལུང་བསྟན་བརྒྱུད་པའི་རྒྱུད་ལ་མཚན་གྱི་རྣམ་གྲངས་བརྒྱད་གསུངས་པ་ལོ་ཙཱ་བས་བདུན་དུ་བསྡུས་ནས་ཀླད་དུ་བཀོད་པ་དེར་དཀའ་འགྲེལ་རྡོ་རྗེ་ཐ་རམ་འབྱེད་པའི་ལྡེ་མིག་ལས་བཤད་ལུགས་རྣམ་པ་བདུན་དུ་བྱས་ནས་རྒྱུད་ཀྱི་སྤྱི་དོན་དུ་བཀྲལ་བ་དེ་ཡིན།
Domain	ཆོས་ལུགས།