53954

མཚན་བཅས་བསྐྱེད་རིམ་ (1)

Part of speech	མིང་ཚིག
Definition	སྔགས། མ་ཧཱ་ཡོ་ག རྙིང་མ། བློ་མཚན་འཛིན་དང་བཅས་པའི་བསྐྱེད་རིམ་སྟེ། ཕྱོགས་བཅུའི་མུན་སེལ་ལས། དེའང་མཚན་བཅས་བསྐྱེད་པ་དང་མཚན་མེད་རྫོགས་པའི་རིམ་པར་སྤྱི་ལ་གྲགས་ཀྱང་། རྣལ་འབྱོར་པའི་བློ་དངོས་པོ་དང་མཚན་མར་འཛིན་པ་དེའི་ཚེ་གང་བསྒོམས་ཀྱང་མཚན་བཅས་ལས་མི་འདའ་ཞིང་། བློ་མཚན་འཛིན་མེད་པའི་ཚེ་ཅི་བསྒོམས་ཀྱང་མཚན་མེད་ཡིན་ཏེ། རྔམ་ཀློག་ལས། དེས་ན་རྣལ་འབྱོར་སྐྱེས་བུ་ཡིས། །མཚན་མེད་ངང་ལ་གནས་བཅས་ནས། །མཚན་མའི་རྣལ་འབྱོར་བསྒོམ་པར་བྱ། །མཚན་མ་མེད་དང་མཚན་མ་ཡང་། །ཐ་དད་མིན་པར་ཤེས་པར་བྱ། །དེ་ལྟར་རིག་པའི་རྣལ་འབྱོར་པ། །དེ་ཉིད་ང་ཡི་ས་ཐོབ་ཡིན། །སངས་རྒྱས་ཞེས་ཀྱང་དེ་ལ་བྱ། །ཞེས་པ་དང་། ཡང་། ཇི་སྲིད་མཚན་མར་འཛིན་ཡོད་པ། །དེ་སྲིད་མཚན་བཅས་འཇིག་རྟེན་པ། །ནམ་ཞིག་དངོས་པོ་མཚན་མ་མེད། །དེ་ཚེ་རབ་ནི་འཇིག་རྟེན་འདས། །སྤྱོད་ཡུལ་ཀུན་ཏུ་བཟང་པོའི་ཞིང་། །ཉོན་མོངས་ཡེ་ཤེས་གཉིས་སུ་མེད། །ཅེས་སོ། །ཞེས་གསུངས།
Domain	ཆོས་ལུགས།