56611

མེ་མཁའ་རྒྱ་མཚོ་ (1)

Part of speech	མིང་ཚིག
Definition	རྒྱ་མཚོ་ཞེས་པ་ནི་གྲངས་བཞི་དང་མཁའ་ཞེས་པ་ནི་ཀླད་གོར་དང་མེ་ཞེས་པ་ནི་གྲངས་གསུམ་གྱི་དོན་ཡིན་པས་མི་ལོ་བཞི་བརྒྱ་དང་གསུམ་གྱི་དུས་ཡུན་བྱེ་བྲག་པ་ཞིག་གི་མིང་ཡིན་ལ། དེ་ཡང་རིགས་ལྡན་རྒྱ་མཚོ་རྣམ་རྒྱལ་དང་རྒྱལ་དཀའ་གཉིས་ཀྱི་ལོ་ཡུན་སྡོམ་པ་མི་ལོ་བཞི་བརྒྱ་དང་གསུམ་ཡོད་པ་དེ་ཡིན་ཏེ། རྩིས་གཞུང་ཉིན་བྱེད་སྣང་བ་ལས། ཤིང་སྤྲེལ་སྦྲང་རྩིའི་བློ་གྲོས་ནི། །མ་ཁར་ཞུགས་ཤིང་མུ་སྟེགས་པའི། །བྱེད་རྩིས་བྱུང་དང་དུས་མཉམ་པར། །རྒྱ་མཚོ་རྣམ་རྒྱལ་ཁྲིར་ཕེབས་ཏེ། །ལོ་བརྒྱ་གྱ་གཉིས་བར་དུ་བཞུགས། །དེ་འདས་མི་ཟད་མེ་ཁྱིའི་ལོར། །རྒྱལ་དཀའ་རྒྱལ་སར་ཕེབས་པ་དང་། །རང་ལུགས་བྱེད་པའི་རྩིས་འགོ་ཟུག །རྒྱལ་དཀས་ཉིས་བརྒྱ་ཉེར་གཅིག་བར། །ཆོས་བསྟན་ལོ་མཐའ་མེ་སྟག་ཡིན། །དེས་ན་ཀླ་ཀློ་ཞུགས་པ་དང་། །རྒྱ་མཚོ་རྣམ་རྒྱལ་ཁྲིར་འཁོད་ནས། །བརྩམས་ཏེ་མེ་སྟག་དེ་ཡན་ལ། །མེ་མཁའ་རྒྱ་མཚོའི་ལོ་ཞེས་གྲགས། །ཞེས་བྱུང་། དེས་ན་ཕུག་པ་ཞལ་ལུང་ལུགས་འདི་ལ་སྟོན་པ་འདས་ནས་ ༡༥༠༣ སོང་བའི་འོག་ཤིང་ཕོ་སྤྲེལ་ལོ་ནི་མེ་མཁའ་རྒྱ་མཚོའི་ཐོག་མ་ཡིན་ལ་དེ་ནས་བཟུང་དྲུག་ཅུ་སྐོར་དྲུག་དང་བགྲང་བྱ་ཞེ་གསུམ་འདས་པ་མེ་ཕོ་སྟག་གི་ལོའི་བར་རམ་ཡང་ན་ཕྱི་ལོ་ ༦༢༤ པ་ནས་ཕྱི་ལོ་ ༡༠༢༧ པའི་བར་ལ་མི་ལོ་ ༤༠༣ ཡོད་པ་དེའོ། །
Domain	རྩིས་རིག