58159

ཚད་མ་ཀུན་བཏུས་ (1)

Part of speech

མིང་ཚིག

Definition

སློབ་དཔོན་ཕྱོགས་གླང་རང་ཉིད་ཀྱིས་མཛད་པའི་ཚད་མའི་བསྟན་བཅོས་བརྒྱ་རྩ་བརྒྱད་ཀྱི་དོན་ཀུན་ལས་བཏུས་ཏེ་བདེན་གཉིས་རྟོགས་པའི་ཚད་མ་བརྗོད་བྱར་བྱེད་པས་ན་དེ་ལྟར་བརྗོད་དེ། སློབ་དཔོན་རང་ཉིད་ཀྱི་གསུང་ཚད་མ་ཀུན་བཏུས་ལས། ཚད་མར་གྱུར་པ་འགྲོ་ལ་ཕན་བཞེད་པ། །སྟོན་པ་བདེ་གཤེགས་སྐྱོབ་ལ་ཕྱག་འཚལ་ནས། །ཚད་མ་བསྒྲུབ་ཕྱིར་རང་གི་གཞུང་ཀུན་ལས། །བཏུས་ཏེ་སྣ་ཚོགས་འཐོར་རྣམས་འདིར་གཅིག་བྱ། །ཞེས་གསུངས་པའི་ཕྱིར་དང། རྗེ་བཙུན་ཆོས་ཀྱི་རྒྱལ་མཚན་གྱིས་མཛད་པའི་དགའ་བྱང་ཡིག་ཆ་རྒྱས་པའི་བསྟན་བཅོས་ཚད་མ་རྣམ་འགྲེལ་གྱི་དོན་འགྲེལ་རྒྱལ་ཚབ་དགོངས་པ་རབ་གསལ་བློ་གསལ་གྱི་མགུལ་རྒྱན་ལས། ཐུབ་པའི་གསུངས་རབ་དང་ཚད་མ་ཀུན་བཏུས་ཆོས་ཅན། ཁྱོད་ལ་ཚད་མ་ཞེས་མིང་གི་བཏགས་ནས་བརྗོད་པའི་རྒྱུ་མཚན་ཡོད་དེ། བདེན་གཉིས་ལ་གསར་དུ་མི་བསླུ་བའི་རིག་པ་ཚད་མ་ཡིན་ལ། ཁྱོད་ཀྱིས་དེ་བརྗོད་བྱར་བྱེད་པའི་རྒྱུ་མཚན་གྱིས་དེ་ལྟར་བརྗོད་པའི་ཕྱིར། ཞེས་གསུངས་པའི་ཕྱིར།

{{#arraymap:ཚད་མ་ཀུན་བཏུས་

|; |@@@ | | }}