58216

ཚད་མ་སྡེ་བདུན་ (1)

Part of speech

མིང་ཚིག

Definition

སློབ་དཔོན་ཕྱོགས་ཀྱི་གླང་པོས་མཛད་པའི་ཚད་མ་ཀུན་ལས་བཏུས་པ་ཡི་འགྲེལ་པར་དཔལ་ཆོས་ཀྱི་གྲགས་པས་བརྩམས་པའི་ཚད་མའི་སྐོར་གྱི་བསྟན་བཅོས་བདུན་ཏེ། ལུས་ལྟ་བུའི་བསྟན་བཅོས་གསུམ་དང་། འཕྲོས་པ་ཡན་ལག་ལྟ་བུའི་བསྟན་བཅོས་བཞི་བཅས་བདུན་ནོ། །དེ་ཡང་། པཎ་ཆེན་བསོད་ནམས་གྲགས་པའི་རྣམ་འགྲེལ་དགོངས་པ་རབ་གསལ་ལས། དེ་ལ་སྡེ་བདུན་མདོ་དང་བཅས་པ་དེ་རྣམས་ཀྱིས་འཁོར་ལོ་གསུམ་གྱི་ནང་ནས་ཐ་མའི་དགོངས་པ་གཙོ་བོར་འགྲེལ་བ་ཡིན་ཏེ། ཀུན་བཏགས་རང་གི་མཚན་ཉིད་ཀྱིས་མ་གྲུབ་ཅིང་། གཞན་དབང་དང་ཡོངས་གྲུབ་རང་གི་མཚན་ཉིད་ཀྱིས་གྲུབ་པར་ཕྱེ་ནས་སྟོན་པའི་བསྟན་བཅོས་ཡིན་པའི་ཕྱིར། དེ་བཞིན་དུ་སྡེ་སྣོད་གསུམ་གྱི་ནང་ནས་མངོན་པའི་སྡེ་སྣོད་ཀྱི་དགོངས་པ་གཙོ་བོར་འགྲེལ་པ་གྲུབ་སྟེ། བདག་མེད་གཉིས་རྟོགས་པའི་ཤེས་རབ་ཀྱི་བསླབ་པ་བསྟན་བྱའི་གཙོ་བོར་བྱས་ནས་སྟོན་པའི་བསྟན་བཅོས་ཡིན་པའི་ཕྱིར། དེ་ཡང་ཡིན་ཏེ། བདག་འཛིན་གཉིས་སྤངས་པའི་སྤངས་པ་བསྟན་བྱའི་གཙོ་བོར་བྱེད་པའི་ཕྱིར་ཏེ། ཐར་པ་དང་ཐམས་ཅད་མཁྱེན་པ་བསྟན་བྱའི་གཙོ་བོར་བྱེད་པའི་ཕྱིར།

{{#arraymap:ཚད་མ་སྡེ་བདུན་

|; |@@@ | | }}