59312

ཚོགས་མཆོད་སེར་སྦྲེང་ (1)

Part of speech

མིང་ཚིག

Definition

བོད་ཟླ་གཉིས་པའི་གནམ་གང་ཉིན། རྩེ་ཕོ་བྲང་དུ་བཞུགས་པའི་རྒྱལ་བ་ལྔ་པའི་སྐུ་གདུང་འཛམ་གླིང་རྒྱན་གཅིག་དང༌། རྒྱལ་བ་རིགས་ལྔའི་གཙོ་བོ་རྣམ་སྣང་གི་གོས་སྐུ་དཔངས་སོར་མོ་སྟོང་དང་ཉིས་བརྒྱ་དགུ་བཅུ་གོ་དགུ་ཡོད་པ་དེ་དང་འོད་དཔག་མེད་ཀྱི་གོས་སྐུ་ཆེན་མོ་སོར་མོ་ཉིས་སྟོང་ལྔ་བརྒྱ་གོ་བརྒྱད་ཡོད་པ་དེ་གཉིས་གྲུ་འཛིན་གཉིས་པའི་ཕོ་བྲང་གི་རྩིག་ངོས་སུ་ཞལ་དབྱེ་མཆོད་འབུལ་བྱེད་པའི་ཉིན་མོ་ཞིག་རེད། རྩེ་སྐོར་མཆོད་རྫས་དོ་དམ་པས་ཆོས་སྐོར་ཕེབས་མི་འཁྲི་ཁུངས་གདན་ས་གསུམ་དང༌། རྒྱུད་གྲྭ་སྟོད་སྨད། རྨེ་བཞི་ལྕགས་གསུམ། དེ་བཞིན་ཉེ་འདབ་དགོན་ཁག་དྲུག་བཅས་ལ་མཆོད་རྫས་རྩིས་སྤྲོད་བྱས་པ་རྣམས། བདག་གཅེས་དང༌། བྱེད་སྒོའི་སྐོར་མཆོད་རྫས་དོ་དམ་དང༌། ཚོགས་དགེའི་ཆབ་བདག་གཉིས་ནས་གོང་གསལ་འཁྲི་ཁུངས་དགོན་ཁག་གི་ཆབ་རིལ་དང༌། ལས་སྣེར་བྱེད་སྒོའི་བཀའ་བསྒྱུར་བཏང་ནས་གོང་ཚེས་ནམ་ལངས་སྔ་ཆར་དགེ་འཕེལ་དབུ་རྩེར་ཉི་མ་ཤར་བ་དང༌། མཆོད་རྫས་དོ་དམ་རྩེ་དྲུང་ལས་ཚན་གཉིས། བྱིངས་ལས་དྲུང་བརྒྱད་བཅས་ཀྱིས་སྤོས་སྣེས་སྔུན་བསུས་མཆོད་འབུལ་བྱེད་པ།