62280

ཟླ་བའི་འཕེལ་འགྲིབ་ (1)

Part of speech	མིང་ཚིག
Definition	མདོ། མངོན་པ། ཟླ་བ་ཡར་གྱི་ངོ་ལ་དང་པོ་ཅུང་ཟད་ཀྱང་མི་སྣང་བ་དང་། དེ་ནས་རིམ་གྱིས་སྣང་བ་དང་རངས་པོ་སྣང་བ་དང་མར་གྱི་ངོ་ལ་འགྲིབ་པར་ཇི་ལྟར་འགྱུར་ཞེ་ན། འདི་ལྟར་ཉི་མའི་དཀྱིལ་འཁོར་དང་ཤིན་ཏུ་ཉེ་བ་ལས་དེའི་འོད་ཟེར་ཟླ་བ་ལ་ཕོག་སྟེ་ཕར་ཕྱོགས་སུ་རང་གི་གྲིབ་མ་འབབ་པས་ཟླ་བ་མ་ལུས་པ་འགྲིབ་པར་སྣང་བའི་ཕྱིར་དང་། ཉི་མ་དང་རིང་བར་གྱུར་པ་དང་རང་གི་གྲིབ་མས་བསྒྲིབས་པ་ཆུང་བར་གྱུར་པའི་ཕྱིར་ཟླ་བ་སྣང་བ་ཆེ་བར་འགྱུར་ལ། གང་གི་ཚེ་ཟླ་བ་ཉི་མ་དང་ཤིན་ཏུ་རིང་བར་གྱུར་པས་རང་གི་གྲིབ་མས་ཅུང་ཟད་ཀྱང་བསྒྲིབས་པ་མེད་པ་དེའི་ཚེ་ཟླ་བ་མ་ལུས་པ་སྣང་བ་ཡིན་ནོ། །འདིར་ཁ་ཅིག་ན་རེ་འཕགས་པ་ཐོགས་མེད་ལ་སོགས་པ་ནི་ཟླ་བའི་ཕྱེད་ནི་ཆུ་ཤེལ་ལས་གྲུབ་ལ་ཕྱེད་ནི་བཻ་ཌཱུརྻ་ལས་གྲུབ་པའི་ཕྱིར་དེ་བླ་འོག་འགྱུར་པའི་ཁྱད་པར་ལས་འཕེལ་བ་དང་འགྲིབ་པར་སྣང་སྟེ། ཆུ་ཤེལ་མ་ལུས་པ་སྣང་བའི་ཚེ་རངས་པོ་སྣང་ལ། བཻ་ཌཱུརྻ་མ་ལུས་པ་སྣང་བའི་ཚེ་མི་སྣང་ཞིང་། དེ་དག་ཕྱེད་མར་སྣང་བའི་ཚེ་སྣང་བ་ཕྱེད་ཡིན་ནོ་ཞེས་འདོད་དོ་ཞེས་ཟེར་བ་ནི་དེ་ལྟ་མ་ཡིན་ཏེ། འཕགས་པ་ཐོགས་མེད་ཀྱིས་གྲིབ་མ་བླ་འོག་འཛུར་བའི་བྱེ་བྲག་ལས་འཕེལ་བ་དང་འགྲིབ་པར་བཤད་ལ། དེའི་བླ་འོག་ནི་ཕ་རོལ་དང་ཚུར་རོལ་གྱི་ངོས་ལ་བཞེད་པའི་ཕྱིར་སྔ་མ་དང་འདྲ་ལ་བཻ་ཌཱུརྻ་ལས་གྲུབ་པར་བཤད་པ་ནི་མེད་དོ་ཞེས་མཛོད་འགྲེལ་མངོན་པའི་རྒྱན་ལས་སོ། །
Domain	ཆོས་ལུགས།

{{#arraymap:ཟླ་བའི་འཕེལ་འགྲིབ་

|; |@@@ | | }}