63761

འགྲོ་བ་འདུལ་བའི་ཕྱག་རྒྱ་ (1)

Part of speech	མིང་ཚིག
Definition	སྔགས། ཡེ་གཤེན་རྒྱུད། བོན། ཅིར་ཡང་སྤྲུལ་པའི་སྐུའི་ཕྱག་རྒྱ་ཉེར་ལྔའི་ནང་ཚན་གྲངས་གནས་བཅོ་ལྔ་པ་དེ་ཡིན་ལ། དེ་ཡང་གཞན་སྣང་དུ་ཤར་བའི་སྤྲུལ་སྐུའི་འགྲོ་འདུལ་ཕྲིན་ལས་ཀྱི་ལྡོག་ཆ་ལས་ཕྱེ་བ་སྟེ། གསང་བ་འདུས་པའི་དོན་གྱི་རྒྱུད་ལས། ཡང་དག་དོན་ལ་གཅིག་ལས་མེད། སེམས་ཅན་བླང་དོར་དུ་མར་སྟོན། འགྲོ་བ་འདུལ་བའི་ཕྱག་རྒྱ་ཡིན། ཞེས་གསུངས་པས། འཁོར་འདས་དང་བདེ་སྡུག་བཟང་ངན་ལ་སོགས་གཉིས་སུ་སྣང་ངོ་ཅོག་རྣམས་ཀྱང་། དོན་དམ་པར་ཐམས་ཅད་མཉམ་པར་གནས་པའི་རང་བཞིན་གཅིག་ལས་མེད་ཀྱང་། སེམས་ཅན་གྱི་དོན་དུ་དེ་དག་བླང་དོར་གྱི་གནས་སོ་སོར་སྟོན་པར་མཛད་པའི་དོན་ནོ། །
Domain	ཆོས་ལུགས།