65810

འདུལ་བ་སྤྱི་ལྟོས་འགོག་པ་སྡོམ་བྱེད་རྒྱུད་ (1)

Part of speech

མིང་ཚིག

Definition

འདུལ་བ་རྒྱུད་དྲུག་གི་ནང་གསེས་(འདུལ་བ་སྤྱི་ལྟོས་འགོག་པ་སྡོམ་བྱེད་རྒྱུད་) ཅེས་པའི་གཞུང་འདི། མཛད་པ་པོ། གཡུང་དྲུང་བོན་གྱི་བསྟན་པའི་སྲོལ་འབྱེད་རྣམ་མཁྱེན་སྟོན་པ་གཤེན་རབ་མི་བོ་དེ་ཉིད་ཡིན། གཞུང་འདིའི་བརྗོད་བྱ་ནི། སྡེ་སྣོད་གསུམ་གྱི་ནང་ཚན་འདུལ་བའི་སྡེ་སྣོད་དེ། ལྷག་པ་ཚུལ་ཁྲིམས་ཀྱི་བསླབ་པའི་ཁོངས་གཏོགས་འདུལ་བ་སྤྱི་ཡི་བསྲུང་ཁྲིམས་དང་འབྲེལ་བའི་དོན་བསྟན་པ་དང་། བྱེ་བྲག་ཏུ་གཞུང་འདིར་སྡེ་ཚན་སོགས་མི་འདྲ་བའི་ལེའུ་གྲངས་སུ་བགྲང་ན་བཅོ་བརྒྱད་ཡོད་དེ། འདུལ་བ་སྤྱི་ལྟོས་འགོག་པ་ཕྱོགས་སྡོམ་རྒྱུད་ལས། དང་པོའི་ལེའུ་སྟེ་གཅིག་པའོ། །འདུལ་བ་སྤྱི་ལྟོས་འགོག་པ་ཕྱོགས་སྡོམ་རྒྱུད་ལས། དགོས་དོན་མ་རིག་ཤན་འབྱེད་ལེའུ་སྟེ་གཉིས་པའོ། །ཕུན་སུམ་འཚོགས་པ་དགུ་དོན་ལེའུ་སྟེ་གསུམ་པའོ། །འཁྲུལ་སྣང་དགག་པ་གཉེན་པོ་འདུལ་བའི་ལེའུ་སྟེ་བཞི་པའོ། །ཉོན་མོངས་སྣང་བ་འདུལ་བར་བསྲེ་བའི་ལེའུ་སྟེ་ལྔ་པའོ། །རིག་པ་གནས་ཡུལ་རྣོ་གསལ་བསྐུལ་པའི་ལེའུ་སྟེ་དྲུག་པའོ། །མ་རིག་ལོག་པས་སད་མ་ནུས་པའི་ལེའུ་སྟེ་བདུན་པའོ། །མེད་ལ་ཡོད་བརྟག་མ་རིག་ལེའུ་སྟེ་བརྒྱད་པའོ། །ལས་རྒྱུ་འབྲས་བྱེ་བྲག་འབྱེད་པའི་ལེའུ་སྟེ་དགུ་པའོ། །མངོན་ཞེན་རྗས་བཟུང་ལྕི་བའི་ལེའུ་སྟེ་བཅུ་པའོ། །སྣང་བའི་དམིགས་དངོས་པ་མཛིད་པའི་ལེའུ་སྟེ་བཅུ་གཅིག་པའོ། །སྣང་བ་གཞི་ས་མ་ཟིན་འགྱུར་བའི་ལེའུ་སྟེ་བཅུ་གཉིས་པའོ། །སྣང་བ་ཐུག་ཕྲད་ལོན་པའི་ལེའུ་སྟེ་བཅུ་གསུམ་པའོ། །སྲིད་རྩེ་ལམ་ལོག་མ་རིག་པའི་ལེའུ་སྟེ་བཅུ་བཞི་པའོ། །མི་དགེ་བཅུ་རྒྱུ་འབྲས་དབྱུང་བའི་ལེའུ་སྟེ་བཅོ་ལྔ་པའོ། །ལོ་ཟླ་ཉི་མ་དུས་བཟུང་ལེའུ་སྟེ་བཅུ་དྲུག་པའོ། །དྲང་སྲོང་མ་ཡི་སྤྱི་དོན་ལེའུ་སྟེ་བཅུ་བདུན་པའོ། །དྲང་སྲོང་མ་ཡི་སིལ་བུའི་ལེའུ་སྟེ་བཅོ་བརྒྱད་ཡོད་དེ། འདུལ་བ་སྤྱི་ལྟོས་རྒྱུད་ལས། གླད་གཞུང་འཇུག་དོན་ལེའུ་གྲངས་སྟོན། གླད་ལྔ་གཞུང་དགུ། འཇུག་པ་བཞི་འདི་དོན་བྱེད། ཅེས་པ། སྔོན་འགྲོ་གླད་ཀྱི་དོན་ལ་ལེའུ་ལྔ་བསྟན་པ་དང་། དངོས་གཞི་གཞུང་གི་དོན་ལ་ལེའུ་དགུ། མཐའ་རྗེས་འཇུག་གི་དོན་ལ་ལེའུ་བཞི་དང་། ལྷན་དུ་གཞུང་འདིར་ལེའུ་བཅོ་བརྒྱད་བསྟན་པའོ། །

{{#arraymap:འདུལ་བ་སྤྱི་ལྟོས་འགོག་པ་སྡོམ་བྱེད་རྒྱུད་

|; |@@@ | | }}