65846

འདུལ་འཛིན་ཐག་མ་པ་ (1)

Part of speech	མིང་ཚིག
Definition	དུས་རབས་བཅུ་གཉིས་པའི་མཇུག་དུ་དབུས་གཙང་ཕྱོགས་སུ་འཁྲུངས། མཚན་དངོས་ལ་ཀ་བ་དར་སེང་ཞེས་ཞུ། གཞོན་དུས་ནས་རབ་ཏུ་བྱུང་། འདུལ་འཛིན་ཆེན་པོ་ཤ་མི་སྨོན་ལམ་ཚུལ་ཁྲིམས་བསྟེན། འདུལ་བ་ལུང་སྡེ་བཞིའི་ཚིག་དོན་ཀུན་ལ་མཁས་པར་སྦྱངས། འདུལ་འཛིན་ཆེན་པོར་གྲགས། བཤེས་གཉེན་སྣེའུ་ཟུར་པ་ཡེ་ཤེས་འབར། བྱང་ཆུབ་ལམ་གྱི་རིམ་པའི་ཁྲིད་མ་ལུས་གསན། ཉམས་སུ་བླངས། སྟོད་ལུང་ཐག་མ་བཟུང་ནས་སློབ་མ་མང་པོ་འདུས་པ་ལ་འདུལ་བའི་འཆད་ཉན་མཛད། འདུལ་འཛིན་ཐག་མ་པར་ཞེས་གྲགས། སློབ་མ་གྲགས་ཆེ་བ་ནི་ལྷོ་བྲག་མཁན་ཆེན་ནམ་མཁའ་སེང་གེ་དང་། དཔོན་དཔལ་ཆེན་རྡོར་གཞོན། སྦལ་ཏི་ཇོ་སྲས་བཅས་ཡིན། ལམ་རིམ་བླ་བརྒྱུད་ཀྱི་བླ་རབས་བཅུ་གཅིག་པ་ཡིན།
Synonyms	ཀ་བ་དར་སེང་།