65854

འདུལ་སྡོམ་ཚང་བའི་ཆེ་བ་ (1)

Part of speech	མིང་ཚིག
Definition	སྔགས། ཡེ་གཤེན་རྒྱུད། བོན། ཐེག་པ་འོག་མ་རྣམས་ལ་སྡོམ་པ་སྣ་རེའམ་སྣ་འགའ་ལས་མ་ཚང་ཞིང་། གསང་བ་སྔགས་ཀྱི་དམ་ཚིག་འདིས་ནི་འདུལ་སྡོམ་ལ་སོགས་འོག་མའི་ཚུལ་ཁྲིམས་ཀྱི་བསྲུང་བྱ་མ་ལུས་པ་ཚང་བར་བསྲུང་པས་འདུལ་སྡོམ་ལ་སོགས་ཚང་བའི་ཆེ་བ་ཡོད་པ་སྟེ། འགུ་ཡ་ལས། འདུལ་སྡོམ་ཚང་བའི་ཆེ་བ་ནི། དགེ་བསྙེན་དྲང་སྲོང་ལས་སོགས་པ། ཐམས་ཅད་ཚང་བས་ཕུན་སུམ་ཚོགས། ཞེས་པས། དེ་ལ་ཡང་འདུལ་སྡོམ་སྟེ་བསྲུང་བྱའི་སྒོ་ནས་ཚུལ་ཞུགས་བསྙེན་གནས་སྡེ་ལ་བསྲུང་བྱ་ཡན་ལག་བརྒྱད་དང་ལྡན་པ། ཚུལ་གནས་དགེ་བསྙེན་གྱི་སྡེ་ལ་ཡང་གཏན་ཁྲིམས་སྣ་ལྔ། གཙང་གཙུག་གི་སྡེ་ལ་བསྲུང་ཁྲིམས་ཉེར་ལྔ། ཚུལ་དང་ལྡན་པ་དག་པ་དྲང་སྲོང་གི་སྡེ་ལ་ཉིས་བརྒྱ་ལྔ་བཅུ་བཅས་ཚང་བར་འདུས་ལ། གཞན་ཡང་གཡུང་དྲུང་སེམས་དཔའི་སྡོམ་པ་ཡང་ཚང་བས་གསང་བ་སྔགས་ཀྱི་དམ་ཚིག་འདི་ནི་དམ་ཚིག་ཀུན་འདུས་ཀྱི་གཞི་རུ་གྱུར་པས་དམ་ཚིག་ཀུན་ལས་ཆེ་ཞིང་འཕགས་པ་ཡིན་པར་བརྗོད་པ་ཡིན་ནོ། །
Domain	ཆོས་ལུགས།