70119

འོམ་བུ་ (1)

Part of speech

མིང་ཚིག

Definition

ལོ་མང་སྐྱེ་བའི་ཤིང་སྨན་རིགས་ཀྱི་སྐྱེ་དངོས་ཤིག་སྟེ། སྡོང་པོ་སྨུག་ལ་འདྲོང་བར་ཡལ་ག་དང་ཡལ་ཕྲན་གྱེས་ཤིང༌། སྐྱེ་གནས་དབང་གིས་སྡོང་པོ་ཆེ་ཆུང་དང་རིང་ཐུང་སྣ་ཚོགས་ཡོད་པ། ལོ་མ་ལྗང་སྐྱ་ཕྲ་ལ་ཐུང་ཞིང་སིབ་པ་རིམ་པས་སྐྱེ་ཞིང༌། མེ་ཏོག་ཟིང་དམར་རམ་ཟིང་སྐྱ་ཆུང་ངུ་བརྩེགས་ལྡན་བང་རིམ་དུ་སྡོང་པོ་དང་ཡལ་གའི་རྩེར་འཆར་བ་སྟེ། རང་ལྗོངས་ཀྱི་ས་གནས་མང་ཆེ་བའི་གཙང་འགྲམ་དང་བྱེ་ཤས་ཆེ་ཙམ་ཡིན་པའི་གྲམ་ཐང༌། ཆུ་ཡུར་གྱི་ཉེ་འཁོར་སོགས་སུ་སྐྱེ་བ་མང་བ་དང༌། ལོ་མ་དང་གསར་སྐྱེས་ཡལ་ཕྲན་བོད་ཟླ་བཞི་པའ་ནང་བཏུས་ཏེ་གཙང་མ་བཀྲུས་རྗེས་སྐམ་གསེད་བྱེད་རྒྱུ་དང༌། སྡོང་པོ་དང་ཡལ་གའི་བར་ཤུན་ཞེས་ཕྱིའི་པགས་པ་དོར་ཏེ་བར་ཤུན་དཀར་པོ་དེ་དཔྱིད་ལོ་མ་མ་རྒྱས་གོང་དུ་བཏུས་ཏེ་སྐམ་ནས་སྨན་དུ་སྤྱོད་རྒྱུ། རོ་བསྐ་ལ་མངར་བ། ཞུ་རྗེས་ཁ་བ། ནུས་པ་བསིལ་བས་དུག་ཚད་རྒྱས་པ་དང༌། ཆུ་སེར་གྱི་ནད་རིགས། ཁྲག་ཚད་རྒྱས་པ། གློ་རྒྱག་པ། དུག་གི་ནད་རིགས་སོགས་ལ་ཕན་པ་ཡིན། མིང་གཞན། ཨ་གརྦྷ། སྙིང་པོ་མེད་པ། སྤོར་ཤིང་། གཡུ་ཤིང་། སྙེ་མི། མཆོད་ལྡུམ། ཆུ་ཤིང་། བུ་ལས་མ་སྐྱེས། མི་རྒོད་བཅད་འབྱོར། ལྕགས་གཅོད་པ། ཀླུ་ཤིང་། མཆུ་བ་འོམ་བུ།

{{#arraymap:འོམ་བུ་

|; |@@@ | | }}