71214

ཡིད་ཀྱི་ཉེར་རྒྱུ་བཅོ་བརྒྱད་ (1)

Part of speech	མིང་ཚིག
Definition	མདོ། མངོན་པ། སེམས་ཀྱི་ཚོར་བ་དེ་ཉིད། ངོ་བོ་ལས་ཡིད་བདེ་མི་བདེ་བཏང་སྙོམས་གསུམ་དང་། དམིགས་པ་ལས་གཟུགས་སོགས་ཡུལ་དྲུག་ལ་དམིགས་པ་དང་། མཚུངས་ལྡན་ལས་ཡིད་དང་མཚུངས་པར་ལྡན་པས་ཡིད་བདེ་དང་། ཡིད་མི་བདེ་དང་། བཏང་སྙོམས་ཀྱི་ཉེ་བར་རྒྱུ་བ་དྲུག་དྲུག་སྟེ་བཅོ་བརྒྱད་དུ་དབྱེ་ཞིང་། དེ་དག་ངོ་བོ་ཉིད་ལས་ནི་ཡིད་བདེ་མི་བདེ་བཏང་སྙོམས་གསུམ་དང་། མཚུངས་ལྡན་ལས་ནི་ཡིད་ཀྱི་ཉེར་རྒྱུ་དང་། དམིགས་པ་ལས་ནི་གསུམ་པོ་རེ་རེའང་དྲུག་དྲུག་ཏུ་འགྱུར་ཏེ། གཟུགས་ལ་སོགས་པ་ཡུལ་དྲུག་ཡོད་པའི་ཕྱིར་རོ། །ཉེ་བར་རྒྱུ་བ་ནི་ཡིད་ལ་བརྟེན་ནས་ཚོར་བ་བདེ་བ་ལ་སོགས་པ་ཡུལ་ལ་རྒྱུ་བའི་ཕྱིར་རམ། ཚོར་བ་ལ་བརྟེན་ནས་ཡིད་ཡུལ་ལ་རྒྱུ་བའི་ཕྱིར་རོ། །ལུས་ཀྱི་ཚོར་བ་ནི་ཡིད་ཉེར་རྒྱུ་མ་ཡིན་ཏེ། ཡིད་ཉེར་རྒྱུ་ནི་རྟོག་བཅས་ཀྱི་ཡིད་ལ་བརྟེན་པ་ཡིན་པ་ལ་ལུས་ཚོར་ནི་དབང་པོ་གཟུགས་ཁོ་ན་ལ་བརྟེན་པའི་རྟོག་མེད་ཡིན་པའི་ཕྱིར་རོ། ། དེ་རྣམས་ཁམས་གང་ན་དུ་ཡོད་ཅེ་ན། འདོད་པ་ན་ནི་ཡིད་ཉེ་བར་རྒྱུ་བ་བཅོ་བརྒྱད་པོ་ཐམས་ཅད་ཡོད་དེ། དེ་དག་ཀྱང་འདོད་པའི་ཁམས་རང་ཉིད་ལ་དམིགས་པའི་ཡུལ་ཅན་ཡིན་གྱི་གཟུགས་དང་གཟུགས་མེད་ཁམས་གོང་མ་གཉིས་ལ་དམིགས་པ་ལ་ནི་བཅོ་བརྒྱད་མི་ཚང་བའི་ཕྱིར་རོ། །འདོད་པའི་ཡིད་ཉེར་རྒྱུའི་སྤྱོད་ཡུལ་ཏེ་དམིགས་པ་གཟུགས་ཅན་གྱི་ཁམས་པ་ཡིན་ན་ནི། དེ་ན་དྲི་རོ་མེད་པས་དེ་གཉིས་ལ་དམིགས་པ་དྲུག་མ་གཏོགས་པ་བཅུ་གཉིས་སོ། །འདོད་གཟུགས་ཀྱི་གོང་མ་གཟུགས་མེད་ནི་དེ་ན་ཡུལ་ལྔ་མེད་པས་ཆོས་ལ་དམིགས་པའི་འདོད་པའི་ཡིད་བདེ་མི་བདེ་བཏང་སྙོམས་གསུམ་གྱི་སྤྱོད་ཡུལ་དུ་འགྱུར་རོ། །དེ་དག་ནི་འདོད་པའི་དབང་དུ་བྱས་པ་ཡིན་ནོ། ། གཟུགས་ཁམས་ཀྱི་བསམ་གཏན་དང་པོ་དང་གཉིས་པ་གཉིས་ན་ནི་བཅུ་གཉིས་ཡོད་དོ། །དེ་དག་ན་ཡིད་མི་བདེ་བ་དྲུག་མེད་པའི་ཕྱིར་རོ། །བསམ་གཏན་གསུམ་པ་བཞི་པ་གཉིས་ན་ནི་བཏང་སྙོམས་ཀྱི་ཡིད་ཉེ་བར་རྒྱུ་བ་དྲུག་ཡོད་དེ་དེ་དག་ན་ཡིད་བདེ་མེད་པའི་ཕྱིར་དང་། སེམས་བདེ་ནི་ཡིད་ཉེར་རྒྱུར་མི་འགྱུར་བའི་ཕྱིར་བཏང་སྙོམས་ཀྱི་དྲུག་གོ ། དྲུག་པོ་དེ་དག་གི་དམིགས་པ་ནི་འདོད་པའི་ཁམས་ཡིན་ཏེ། ཡུལ་དྲུག་ལ་དམིགས་པའི་བཏང་སྙོམས་དྲུག་ཡོད་པའི་ཕྱིར་རོ། ། གཟུགས་མེད་པ་ནི་ཆོས་ལ་དམིགས་པའི་བཏང་སྙོམས་ཀྱི་ཡིད་ཉེ་བར་རྒྱུ་བ་གཅིག་གི་དམིགས་པ་ཡིན་ནོ། །གཟུགས་མེད་པ་ནམ་མཁའ་མཐའ་ཡས་སྐྱེ་མཆེད་ཀྱི་ཉེ་བར་བསྡོགས་ན་ནི་བཏང་སྙོམས་ཀྱི་ཉེར་རྒྱུ་བཞི་ཡོད་དེ། དེ་ནི་ནམ་མཁའ་མཐའ་ཡས་སྐྱེ་མཆེད་དང་བསམ་གཏན་བཞི་པ་ལ་ཞི་བ་དང་རགས་པར་ལྟ་བ་ཡིན་པ་ནི་དམིགས་པ་གཟུགས་ཁམས་ཀྱི་བཞི་པ་ལ་ཡིད་ཉེ་བར་འགྲོ་བའི་ཕྱིར་དང་། བཞི་པ་དེ་ནའང་ཡུལ་བཞི་ཡོད་པའི་ཕྱིར་རོ། །ཞེས་མཛོད་འགྲེལ་མངོན་པའི་རྒྱན་ལས་སོ། །
Domain	ཆོས་ལུགས།

{{#arraymap:ཡིད་ཀྱི་ཉེར་རྒྱུ་བཅོ་བརྒྱད་

|; |@@@ | | }}