71235

ཡིད་ཀྱི་རྣམ་ཤེས་ཀྱི་བྱེད་ལས་ (1)

Part of speech	མིང་ཚིག
Definition	ཡིད་ཀྱི་རྣམ་ཤེས་ཀྱི་ལས་ལ། སྒོ་ལྔ་དང་ཐུན་མོང་བ་དང་། ཐུན་མོང་མ་ཡིན་པའི་ལས་གཉིས་ལས། དང་པོ་ནི། སྐད་ཅིག་དང་རྒྱུན་གཉིས་ཀ་རིག་པར་བྱེད། རང་དང་སྤྱིའི་མཚན་ཉིད་གཉིས་ཀ་རིག་པར་བྱེད། དུས་གསུམ་ཀ་རིག་པར་བྱེད་དོ། །གཉིས་པ་ནི། དམིགས་པ་ལ་རྟོག་པ་དང་། དམིགས་པ་ལ་ཉེ་བར་སེམས་པ་དང་། ར་རོ་བར་བྱེད་པ་དང་། སྨྱོ་བར་བྱེད་པ་དང་། གཉིད་ལོག་པར་བྱེད་པ་དང་། སད་པར་བྱེད་པ་དང་། བརྒྱལ་བར་བྱེད་པ་དང་། བརྒྱལ་བ་ལས་སངས་པར་བྱེད་པ་དང་། ལུས་དང་ངག་གི་ལས་འཇུག་པར་བྱེད་པ་དང་། འདོད་ཆགས་དང་བྲལ་བར་བྱེད་པ་དང་། འདོད་ཆགས་ལས་ཉམས་པར་བྱེད་པ་དང་། དགེ་རྩ་རྒྱུན་ཆད་པར་བྱེད་པ་དང་། དགེ་བའི་རྩ་བ་རྣམས་མཚམས་སྦྱོར་བར་བྱེད་པ་དང་། འཆི་འཕོ་བ་དང་། སྐྱེ་བར་བྱེད་དེ། དེ་དག་ནི་རྒྱུའི་དུས་ཀྱི་དབང་དུ་བྱས་ལ། ལམ་གྱི་དུས་སུ་ཚོགས་ལམ་ནས་ས་བཅུའི་བར་ལམ་གོང་ནས་གོང་དུ་བགྲོད་པར་བྱེད། འབྲས་བུའི་དུས་སུ་རང་དོན་མཐོང་ཆོས་ལ་བདེ་བར་གནས་པར་བྱེད། གཞན་དོན་ནམ་མཁའི་ཁམས་ཀྱི་མཐས་གཏུགས་པའི་སེམས་ཅན་གྱི་དོན་འབད་མེད་ལྷུན་གྱིས་གྲུབ་པར་བྱེད་དོ་ཞེས་སྨོས་སོ་ཞེས་ཀུན་མཁྱེན་གོ་རམས་པའི་ཇི་སྙེད་ཤེས་བྱའི་སྒོ་འབྱེད་ལས་སོ། །
Domain	ཆོས་ལུགས།