71353

ཡིད་བཟླས་ (1)

Part of speech	མིང་ཚིག
Definition	སྔགས། རྣལ་འབྱོར་བླ་མེད་རྒྱུད། ཡིད་བཟླས་ནི། མཆུ་དང་ལྕེ་མི་འགུལ་བར་ཡི་གེ་འབྲུ་གསུམ་ལ་སོགས་པའི་སྔགས་རྣམས་ངག་ཏུ་འདོན་པའི་རྣམ་པ་ཡིད་ལ་བྱེད་པ་ནི་ཡིད་བཟླས་དང་། བསྐྱེད་རིམ་པའི་བཟླས་པའི་གཙོ་བོ་ཡང་ཡིན་ཏེ། རྩ་རྒྱུད་ལེའུ་དྲུག་པ་ལས། འགོག་པ་རྡོ་རྗེའི་རྒྱལ་པོ་ནི། ། ཡོངས་སུ་རྫོགས་པ་མཛེས་མཆོག་གི ། ཡེ་ཤེས་རྡོ་རྗེ་གསུམ་ལས་བྱུང་། ། ཀུན་ནས་དེ་མ་ཐག་ཏུ་འགུགས། ། ཞེས་གསུངས་པ་ལྟར་རླུང་ལྡང་འཇུག་གནས་གསུམ་གྱི་་གདངས་ཡི་གེ་འབྲུ་གསུམ་གྱི་གདངས་དང་ངོ་བོ་དབྱེར་མེད་དུ་སྦྱར་བའི་རྡོ་རྗེའི་བཟླས་པ་བྱ་བར་གསུངས་སོ། །
Domain	ཆོས་ལུགས།

{{#arraymap:ཡིད་བཟླས་

|; |@@@ | | }}

ཡིད་བཟླས་ (2)

Part of speech

མིང་ཚིག

Definition

གསང་སྔགས་ཀྱི་གཞུང་ནས་གསུངས་པའི་སྔགས་ཟློ་སྟངས་ཀྱི་བྱེ་བྲག་ཅིག་ཡིན། འདི་ལ་ནང་གསེས་སུ་ཡིད་བཟླས་ཙམ་དང་། འགོག་བཟླས། རྡོར་བཟླས། བུམ་ཅན་བཅས་སུ་གསུངས་ཏེ། འོད་གསལ་སྙིང་པོ་ལས། ཡིད་ཀྱིས་བཟླས་པ་དང་། ཤུབ་བུར་བཟླས་པ་དང་། དབྱངས་སུ་བཟླས་པ་གསུམ་ཡོད་པའི་དང་པོ། སྙིང་གར་སྔགས་ཕྲེང་དང་ས་བོན་དམིགས་ལ་དེར་རང་སྒྲ་སྒྲོགས་པའི་ཚུལ་དུ་ཡིད་ཀྱིས་ཡང་ནས་ཡང་དུ་བཟླ་བར་བྱ་བ་ལས་མཆུ་འགུལ་བ་སོགས་ཀྱི་རྩོལ་བ་མེད་པའོ། །དེའང་ཡིད་བཟླས་ཙམ་དང་། རླུང་དང་སྦྱར་ན་འགོག་བཟླས། རྡོར་བཟླས། བུམ་ཅན་གསུམ་ཡོད་པའི་དང་པོ་སྲོག་རྩོལ་འགོག་པའམ་བསྡམ་པའི་བཟླས་པ་ཞེས་བྱ་སྟེ། སྲོག་ནི་རླུང་དང་རྩོལ་བ་དྲན་པའམ་ཡིད་ཀྱི་རྒྱུ་བ་ཡིན་ལ། རླུང་གི་རྒྱུ་བ་དང་དྲན་རྩོལ་ཐམས་ཅད་ནང་དུ་བསྡམས་ཏེ་ཡིད་ཀྱིས་བཟླས་པས་ལུས་ངག་གི་རྩོལ་བ་ཤུགས་ཀྱིས་ཁེགས་ལ་ཡོན་ཏན་ཁྱད་པར་ཅན་འགྲུབ་བོ། །གཉིས་པ་རླུང་འབྱུང་འཇུག་གནས་གསུམ་སྔགས་དང་སྦྱར་ཏེ་དམིགས་པ་མ་ཡེངས་པར་བྱེད་པ་དང་། གསུམ་པ་སྦྱོར་བ་ལ་བཞི་དང་ལྡན་པའི་བུམ་ཅན་དང་སྦྲགས་ཏེ་ཡིད་བཟླས་བྱེད་པའོ། །ཞེས་གསུངས་སོ། །

{{#arraymap:ཡིད་བཟླས་

|; |@@@ | | }}