72092

ཡེ་ཤེས་སྣང་བ་བཅུ་ (1)

Part of speech	མིང་ཚིག
Definition	ཕལ་ཆེན་ལེའུ་ཞེ་གསུམ་པ་ལས་བྱུང་བ་སྟེ། ༡ འདི་ལྟར་བྱང་ཆུབ་སེམས་དཔའ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་ཏེ། སངས་རྒྱས་ཀྱི་བྱང་ཆུབ་ཀྱིས་སྣང་བར་གྱུར་པའི་ཡེ་ཤེས་སྣང་བ། ༢ སངས་རྒྱས་ཐམས་ཅད་བལྟ་བ་ལ་ཡེ་ཤེས་སྣང་བ། ༣ སེམས་ཅན་ཐམས་ཅད་ཀྱི་འཆི་འཕོ་དང་། སྐྱེ་བའི་སྐྱེ་མཆེད་ལ་ཡེ་ཤེས་སྣང་བ། ༤ མདོ་སྡེའི་ཆོས་ཀྱི་རྣམ་གྲངས་ཐམས་ཅད་ལ་ཡེ་ཤེས་སྣང་བ། ༥ དགེ་བའི་བཤེས་གཉེན་ཐམས་ཅད་ཀྱི་རྒྱུ་མཐུན་པས་བྱང་ཆུབ་ཏུ་སེམས་བསྐྱེད་ཅིང་། དགེ་བའི་རྩ་བ་ཐམས་ཅད་བསགས་པ་ལ་ཡེ་ཤེས་སྣང་བ། ༦ སེམས་རྣམ་པར་གདུལ་བ་ལ་ཡེ་ཤེས་སྣང་བ། ༧ སེམས་ཅན་ཐམས་ཅད་ཡོངས་སུ་སྨིན་པར་བྱ་བ་དང་། གདུལ་བས་དེ་བཞིན་གཤེགས་པའི་ས་ལ་དགོད་པ་ལ་ཡེ་ཤེས་སྣང་བ། ༨ ཆོས་ཀྱི་ཚུལ་འབྱམས་ཀླས་ཤིང་བསམ་གྱིས་མི་ཁྱབ་པ་བསྟན་པ་ལ་ཡེ་ཤེས་སྣང་བ། ༩ སངས་རྒྱས་ཐམས་ཅད་ཀྱི་བྱིན་གྱིས་རླབས་ལ་མཁས་པ་ལ་ཡེ་ཤེས་སྣང་བ། ༡༠ ཕ་རོལ་ཏུ་ཕྱིན་པ་ཐམས་ཅད་ཡོངས་སུ་རྫོགས་པར་བྱ་བ་ལ་ཡེ་ཤེས་སྣང་བའོ། །བཅུ་པོ་དེ་དག་ནི་ཡེ་ཤེས་སྣང་བ་སྟེ། དེ་དག་ལ་མཁས་ཤིང་བྱང་ཆུབ་སེམས་དཔའ་རྣམས་སངས་རྒྱས་ཀྱི་ཆོས་ཐམས་ཅད་ལ་བླ་ན་མེད་པའི་ཡེ་ཤེས་སྣང་བ་འཐོབ་པར་འགྱུར་བའོ། །
Domain	ཆོས་ལུགས།