73462

རབ་ཏུ་བསྔགས་པའི་ཆོས་བཅུ་ (1)

Part of speech	མིང་ཚིག
Definition	ཕལ་ཆེན་ལེའུ་སུམ་ཅུ་སོ་གསུམ་པ་ཏིང་ངེ་འཛིན་གྱི་ལེའུ་ལས་བྱུང་བ་སྟེ། དེ་བཞིན་ཉིད་ལ་མཉམ་པར་བཞག་པའི་ཚུལ་གྱིས་དེ་བཞིན་གཤེགས་པ་ཞེས་བྱ། སངས་རྒྱས་ཀྱི་ཆོས་ཐམས་ཅད་ཁོང་དུ་ཆུད་པར་རྟོགས་པས་སངས་རྒྱས་ཞེས་བྱ། འཇིག་རྟེན་ཐམས་ཅད་ལ་རབ་ཏུ་སྟོན་པས་སྟོན་པ་ཞེས་བྱ། ཆོས་ཐམས་ཅད་རབ་ཏུ་ཤེས་པར་གྱུར་པས་ཐམས་ཅད་མཁྱེན་པ་ཞེས་བྱ། འགྲོ་བ་ཐམས་ཅད་ཀྱི་རྟེན་དུ་གྱུར་པས་མགོན་ཞེས་བྱ། ཆོས་ཐམས་ཅད་ཀྱི་ཚུལ་རྗེས་སུ་རྟོགས་པས་འདྲེན་པ་ཞེས་བྱ། སེམས་ཅན་ཐམས་ཅད་ལ་ཐམས་ཅད་མཁྱེན་པའི་ཡེ་ཤེས་ཀུན་ཏུ་ཕྱིན་པར་བྱེད་པས་རྣམ་པར་འདྲེན་པ་ཞེས་བྱ། འགྲོ་བ་ཐམས་ཅད་དུ་སྣང་བའི་སྒྲོན་མར་གྱུར་པས་སྣང་བ་ཞེས་བྱ། དོན་གྲུབ་སྟེ་བྱ་བ་བྱས་ལ་ཆོས་ཐམས་ཅད་རབ་ཏུ་ཕྱེ་བ་ཤེས་ཤིང་ཚོགས་པ་མེད་པ་ལ་སྤྱོད་པ་ཡོངས་སུ་རྫོགས་པས་སྟོབས་བཅུ་མངའ་བ་ཞེས་བྱ། ཆོས་ཀྱི་འཁོར་ལོ་ཐམས་ཅད་ལ་དབང་བའི་ཕ་རོལ་ཏུ་ཕྱིན་པ་ཐོབ་པས་ཐམས་ཅད་གཟིགས་པ་ཞེས་བྱ།
Domain	ཆོས་ལུགས།