73985

རི་དྭགས་ཆོས་འཁོར་གཉིས་ (1)

Part of speech

མིང་ཚིག

Definition

༡ ཆོས་ཀྱི་འཁོར་ལོའི་གྲུབ་ཆ་ནི། འཁོར་ལོ་འཛིན་བྱེད་ཀྱི་ལྟེ་བ་དང་། གཅོད་བྱེད་ཀྱི་རྩིབས། ལྡུད་བྱེད་ཀྱི་མུ་འཁྱུད་གསུམ་སྟེ། དེ་ལས་མང་མི་དགོས་ཤིང་ཉུང་ནའང་མིན་ཏེ། འདིས་མཚོན་བྱ་ནི། སྔོན་སངས་རྒྱས་བཅོམ་ལྡན་འདས་ཀྱིས་རྡོ་རྗེ་གདན་དང་ཡངས་པ་ཅན་སོགས་ཀྱི་གནས་མཆོག་ཏུ་སྲིད་པའི་ནད་ཐམས་ཅད་འཇོམས་ཤིང་བླ་ན་མེད་པའི་བྱང་ཆུབ་ཐོབ་པའི་ཐབས་དང་སྨན་མཆོག་དམ་པ་སྟེ། གདུལ་བྱ་རིགས་ཅན་གསུམ་ལ་རང་རང་གི་སྐལ་པ་དང་འཚམས་པའི་ཆོས་ཀྱི་འཁོར་ལོ་རིམ་པ་གསུམ་དུ་བསྐོར། དེའང་ཚུལ་ཁྲིམས་དང་། ཏིང་ངེ་འཛིན་དང་། ཤེས་རབ་སྟེ་ལམ་བསླབ་པ་རིན་པོ་ཆེ་རྣམ་པ་གསུམ་དང་། ཐབས་ཅད་བསྡུས་ན་འདུལ་བ་དང་། མདོ་སྡེ་དང་། མངོན་པ་བཅས་ཆོས་སྡེ་སྣོད་གསུམ་དུ་འདུས་ཤིང་། གདུལ་བྱའི་རྒྱུད་ཀྱི་ཉོན་མོངས་པ་ཐམས་ཅད་རྩད་ནས་འབྱིན་པའི་གཉེན་པོའང་འདི་གསུམ་ཁོ་ན་ཡིན་པ་མཚོན། ༢ རི་དྭགས་ཕོ་མོ་གཉིས་ཀྱིས་ཆོས་འཁོར་གྱི་རྩེ་མོ་གཅིག་ཏུ་ལྟ་བ་ནི། ཕྱི་ནང་གི་གྲུབ་མཐའ་འཛིན་པ་ལ་སོགས་སྐྱེ་བོ་མཆོག་དམན་སུ་ལྟ་བུ་ཡིན་ཡང་། མཐར་ཐུག་འབྲས་བུ་སྐུ་གསུམ་ལ་དམིགས་ཤིང་བགྲོད་པའི་ལམ་ནི་སངས་རྒྱས་བཅོམ་ལྡན་འདས་ཀྱིས་བསྟན་པའི་ལམ་མཆོག་བསླབ་པ་གསུམ་ལས་གཞན་དུ་མ་མཆིས་པ་མཚོན་པ་ཡིན་ནོ། །