74556

རིགས་པས་རབ་ཏུ་བཅུག་པའི་ལས་ (1)

Part of speech	མིང་ཚིག
Definition	མདོ། མངོན་པ། རིགས་པས་ཏེ་ཐབས་ཀྱི་བྱེ་བྲག་གིས་རབ་ཏུ་བཅུག་པའི་ལུས་ངག་ཡིད་གསུམ་གྱི་ལས་རྣམ་པ་གསུམ་ཀུན་སློང་དང་བཅས་པ་ནི་འཇིག་རྟེན་ན་ཡིག་འབྲུ་དང་རྒྱ་དང་བགྲང་པ་དང་བཅས་པའི་སྙན་ངག་དང་། ཡིད་ཀྱི་ཆོས་རྣམས་བསྡོམས་ཤིང་བགྲང་བའི་གྲངས་ཏེ་གོ་རིམ་བཞིན་ནོ་ཞེས་ཀུན་མཁྱེན་རོང་སྟོན་གྱི་མངོན་མཛོད་རྣམ་བཤད་ཤེས་བྱ་རབ་གསལ་ལས་སོ། ། རིགས་པས་རབ་ཏུ་བཅུག་པའི་ལས་ནི་སློབ་པ་རིགས་པ་ཐབས་ཀྱིས་རབ་ཏུ་བཅུག་པའི་ལུས་དང་ངག་དང་ཡིད་ཀྱི་ལས་རྣམ་པ་གསུམ་ཀུན་ནས་སློང་བ་མཚུངས་ལྡན་དང་བཅས་པ་ནི་ཕུང་པོ་ལྔའི་རང་བཞིན་ཡིན་ནོ། །དེ་ལ་ཀ་ལ་སོགས་པའི་ཡིག་འབྲུའི་གཟུགས་འབྲི་བ་དང། ལྷ་ལ་སོགས་པའི་འབུར་གྱི་རྒྱ་རྐོ་པ་ནི་ལུས་ཀྱི་ལས་དང། དངོས་པོ་གཅིག་ལ་སོགས་པ་བགྲང་བ་དང་བཅས་པའི་སྙན་ངག་ནི་ངག་གི་ལས་སོ། །བཅུ་པ་བཅུ་ལ་བརྒྱའོ་ཞེས་བྱ་བ་ལ་སོགས་པའི་གྲངས་བསྡོམས་ཏེ་འཛིན་པ་ནི་ཡིད་ཀྱི་ལས་ཏེ་དེ་ལྟར་ན་གོ་རིམ་བཞིན་དུ་ཤེས་པར་བྱའོ་ཞེས་མཛོད་འགྲེལ་མངོན་པའི་རྒྱན་ལས་སོ། །
Domain	ཆོས་ལུགས།