77405

རྒྱུ་དྲུག་གི་འབྲས་བུ་འཛིན་འབྱིན་གྱི་དུས་ (1)

Part of speech	མིང་ཚིག
Definition	མདོ། མངོན་པ། རྒྱུས་འབྲས་བུ་སྐྱེད་པའི་ཚུལ་ནི་བྱེད་རྒྱུ་ལས་གཞན་པའི་རྒྱུ་ལྔ་པོ་ད་ལྟར་བ་ནི་འབྲས་བུ་ས་བོན་ནམ་ནུས་པའི་ཚུལ་དུ་འཛིན་པ་ཡིན་ནོ། །འདས་པ་ནི་བྱ་བ་འགགས་པའི་ཕྱིར་དང་། མ་འོངས་པ་བྱ་བ་མ་སྐྱེས་པའི་ཕྱིར་དང་། བྱེད་རྒྱུ་ནི་འབྲས་བུ་དང་བཅས་པ་ལ་ངེས་པའི་ཕྱིར་ནུས་པ་ཅན་དུ་མ་བརྗོད་དོ། །འབྲས་བུ་ཇི་ལྟར་འབྱིན་ཞེ་ན། ལྷན་ཅིག་འབྱུང་བ་དང་མཚུངས་ལྡན་གྱི་གཉིས་ནི་འབྲས་བུ་འཛིན་འབྱིན་དུས་མཉམ་པས་འབྲས་བུ་ད་ལྟར་རབ་ཏུ་འབྱིན་པར་བྱེད་པའང་ཡིན་ནོ། །དེ་ལ་འབྱིན་པ་ནི་སྐྱེད་པ་སྟེ་རྒྱུ་དང་དུས་མཉམ་དུ་འབྲས་བུ་སྐྱེད་པ་ཞེས་བྱ་བའི་དོན་ཏོ། །ད་ལྟར་གྱི་རྒྱུ་དང་འདས་པའི་རྒྱུས་འབྲས་བུ་འབྱིན་པ་ནི་སྐལ་མཉམ་དང་ཀུན་འགྲོའི་རྒྱུ་དག་གིས་ཏེ། ད་ལྟར་འབྱིན་པ་ནི་དེ་མ་ཐག་ཏུ་འབྱིན་པ་ཡིན་ལ། འདས་པས་འབྱིན་པ་ནི་བར་ཆོད་པ་དག་ཡིན་གྱི་དུས་མཉམ་པ་ནི་མེད་དེ། འདི་དག་ནི་རྒྱུ་མཐུན་གྱི་འབྲས་བུ་སྐྱེད་པ་ཡིན་ན་དེ་ནི་རིགས་འདྲ་བ་ཕྱི་མ་སྐྱེད་པ་ལ་འདོད་པའི་ཕྱིར་རོ། །དེས་ན་འདིར་དག་ཅེས་པ་ནི་གཉིས་ཀྱི་སྒྲ་ཡིན་པས་གཉིས་ནི་ད་ལྟར་འདས་པ་དག་གིས་ཞེས་གདོན་པར་བྱའོ། །རྣམ་པར་སྨིན་པའི་རྒྱུ་གཅིག་པུ་ནི་འདས་པ་ཁོ་ནས་འབྲས་བུ་འབྱིན་པར་འགྱུར་གྱི་དུས་མཉམ་པ་དང་དེ་མ་ཐག་ཏུ་འབྱིན་པ་ནི་མེད་དོ། །ཆོས་མངོན་པ་བ་ཁ་ཅིག་རྟེན་གྱི་འབྲས་བུ་རླུང་གི་དཀྱིལ་འཁོར་ལ་ཆུ་བརྟེན་པ་ལ་སོགས་པ་དང་། སྦྱོར་བའི་འབྲས་བུ་ལམ་སྔ་མས་ཕྱེ་མ་སྐྱེད་པ་དང་། ཚོགས་པའི་འབྲས་བུ་མིག་ལ་སོགས་པའི་མིག་གི་རྣམ་ཤེས་ལ་སོགས་པ་དང་། བསྒོམས་པའི་འབྲས་བུ་གཟུགས་ན་སྤྱོད་པའི་ལམ་གྱི་སྤྲུལ་པའི་སེམས་ལྟ་བུའོ་ཞེས་ཟེར་བ་ནི་སྐྱེས་བུ་བྱེད་འབྲས་དང་བདག་འབྲས་ཀྱི་བྱེ་བྲག་ཡིན་ནོ་ཞེས་མཛོད་འགྲེལ་མངོན་པའི་རྒྱན་ལས་སོ། །
Domain	ཆོས་ལུགས།